Бинай. Кыю һәм тугры булыгыз

Бина́й башта Давыт патшага, ә соңрак Сөләйман патшага хезмәт иткән кыю сугышчы булган. Ул, рухани улы булса да, Йәһвә сугышларында актив катнашкан. Бер тапкыр ул, кыюлык күрсәтеп, су чокырына төшкән дә арысланны үтергән. Ә башка очракта ул коралланган гаять зур бер кешене һәлак иткән. Давыт Бинайга шундый ышанган ки, хәтта аны тән сакчыларының башлыгы итеп куйган (2 Иш. 23:20—23).

Әбессәлам һәм Адания Давытка каршы баш күтәргән чакта Бинай патшага тугры булып калган (2 Иш. 8:18; 15:18; 1 Пат. 1:8). Давыт картайгач та, Бинай, аңа тугрылык күрсәтеп, Сөләйманга патша булып китәргә ярдәм иткән (1 Пат. 1:32—40). Әйе, Бинай, башкалар тугры булмаганда да, Йәһвәгә һәм ул билгеләгән кешеләргә тугрылык саклаган.

Безгә дә, көчле дошманыбыз Шайтанга һәм аның иярченнәренә каршы торыр өчен, кыюлык кирәк. Шулай ук без Йәһвәнең нормалары буенча яшәргә тәвәккәл булырга тиеш (Эфес. 6:11; 1 Пет. 5:8, 9). Кемдер Йәһвәне калдырса да, без күктәге Атабызга тугры булып калабыз һәм аның үзебезне бүләкләячәгенә бер дә шикләнмибез (2 Иш. 22:26).