Ишагыя төргәге

Монда Үле диңгез янында табылган Ишагыя төргәгенең (1QIs^a) бер өлеше күрсәтелгән; бу төргәк б. э. к. 125—100 елларга карый дип санала. Ул 1947 елда Үле диңгез янында Кумрандагы бер мәгарәдә табылган. Бу өлешнең билгеләнгән өзеген — Ишагыя 61:1, 2 не — Гайсә, Насарадагы синагогага килгәч, укыган. Бу төргәкнең битләре бергә җитен җеп белән тегелгән булган. Ул 17 пергамент кисәгеннән торган; бу кисәкләрнең бер ягы уртача 26,4 см, ә икенчесе якынча 25,2—62,8 см. Аның сакланган тулаем озынлыгы 7,3 м. Бу, бәлки, Гайсәгә бирелгән төргәккә охшаш төргәктер: ул аны ачып, Мәсих турындагы пәйгамбәрлек сүзләр «язылган урынны» тапкан (Лк 4:17). Шулай ук бу өзектә тетраграмматон очраган өч урын билгеләнгән.