Redim Ol Komen Bilong Strongim Ol Narapela

Long ol miting bilong kongrigesen, yumi gat rot long strongim ol bratasista bilong yumi long rot bilong ol komen bilong yumi. (Hib. 10:​24, 25) Hau yumi ken redim ol komen we inap strongim tru ol narapela?

• Beten long Jehova. Askim em long helpim yu long mekim wanpela komen we i onarim em na strongim ol narapela.—Sng. 35:18.

• Wok strong long komen long tok bilong yu yet na yu no ritim tasol ol tok i stap long pablikesen. Ol narapela bai kisim strong taim ol i harim yu komen long ol tok bilong yu yet na kamapim bilip bilong yu.

• Mekim ol sotpela komen. Planti taim, ol sotpela na simpol komen i save strongim ol narapela na i gat taim tu long planti moa i bekim tok long miting.—Prov. 10:19.

• Mekim ol komen we i strongim ol narapela. No ken givim tok kaunsel o sutim tok long kongrigesen o wanpela wanbilip Kristen long rot bilong komen bilong yu.

Maski brata i no makim yu long bekim tok, i gat rot long yu inap strongim ol narapela. Putim gut yau long ol komen bilong ol, na tok amamas long ol.—Prov. 10:21.