Ol Askim Bilong Stadi Long buk Kisim Skul Long Bikpela Tisa
Pasin Bilong Mekim Stadi Long Buk Tisa
Bilong stadi gut long dispela buk, putim namba long ol paragraf bilong olgeta wan wan sapta, na putim tu long tok i go pas i stap long pes 6 na 7. Long wan wan hap, ritim olgeta paragraf wantaim. Long taim bilong stadi, sapos i stret yupela i ken skelim ol skripsa i stap long pinis bilong sapta.
Taim yupela i stadi long dispela buk long Baibel Stadi Bilong Kongrigesen, yupela i mas stadi inap wanpela sapta long olgeta wik. Tok i go pas i namba 1 stadi. Bai yumi mekim 49 stadi long dispela buk.
Sapta 32 Paragraf 1-9
1. Jehova i bin mekim wanem na ol pisin i gat pasin bilong lukautim ol pikinini bilong ol?
2. Long wanem taim i mas i gat man bilong lukautim Jisas? Em i mas lukautim Jisas long husat?
3. Jehova i mekim wanem bilong lukautim Pikinini bilong em na ol man i no ken kilim em i dai?
Paragraf 10-13
4. Husat long nau i olsem bebi Jisas? Bilong wanem i mas i gat man bilong lukautim ol?
5. Satan na ol spirit nogut i traim long bagarapim ol pikinini olsem wanem?
6. Husat tasol i ken mekim maritpasin? God i no orait long wanem kain maritpasin?
Paragraf 14-17
7. Husat inap traim long slip wantaim ol pikinini? Ol i save mekim wanem bilong grisim ol yangpela long bihainim laik bilong ol?
8. Ol pikinini i ken mekim wanem bilong lukautim ol yet long ol man i laik mekim pasin nogut long ol?
9. Ol papamama inap mekim wanem bilong lukautim ol pikinini bilong ol long ol man nogut?
Sapta 33 Paragraf 1-8
1. Planti man long nau i tingim Jisas i wanem kain? Em i stap olsem wanem long nau?
2. Taim Jisas i stap wantaim ol disaipel bilong em long wanpela bot, olsem wanem em i soim olsem em i gat bikpela strong?
3. I gat wanem as na ol disaipel bilong Jisas i no ken pret?
Paragraf 9-14
4. Wanem samting i kamap long taim bilong narapela bikpela win?
5. Bilong wanem Jisas i mekim ol dispela mirakel long dispela taim?
Paragraf 15-16
6. Olsem wanem Jisas i save yusim strong bilong em long nau?
7. Yumi ken wet long lukim wanem ol mirakel long bihain?
Sapta 34 Paragraf 1-4
1. Olsem wanem yumi ken kisim save long ol samting i painim man taim em i dai?
2. Ol tok Jisas i mekim long Lasarus i kamapim klia wanem samting long indai?
Paragraf 5-10
3. Jisas i mekim wanem long hul bilong ston we bodi bilong Lasarus i stap long en?
4. Wanem samting i kamap taim Jisas i singaut olsem: “Lasarus, yu kam ausait”?
Paragraf 11-16
5. Wanem samting i painim man taim em i dai?
6. Olsem wanem yumi save Lasarus i no bin i go long heven?
7. Olsem wanem yumi save taim man i dai, i no gat wanpela hap bilong em i stap laip yet?
Paragraf 17-19
8. Ol man long hap bilong yu i gat wanem tingting long ol man i dai pinis?
9. Olsem wanem stori bilong Lasarus i helpim yumi na yumi no pret long ol man i dai pinis?
Sapta 35 Paragraf 1-4
1. Olsem wanem yumi save Jehova i laik kirapim bek ol man i dai pinis, na olsem wanem yumi save Jisas i gat wankain tingting?
2. Olsem wanem tupela pikinini i bin kirap bek paslain tru long taim mama i karim Jisas?
3. Bilong wanem yumi ken bilip tru olsem Jehova bai tingim yumi sapos yumi dai?
Paragraf 5-11
4. Wanem samting i painim pikinini meri bilong Jairus? Jisas i mekim wanem bilong helpim em?
5. Dispela stori bilong Baibel i skulim yumi long wanem samting?
Paragraf 12-18
6. Jisas i kirapim bek pikinini man bilong wanpela meri wanpis, olsem wanem dispela i soim olsem Jisas i laik kirapim bek ol man i dai pinis?
7. Yu ting mama bilong dispela pikinini man i pilim olsem wanem? Long wanem taim ol narapela man tu bai pilim wankain?
Sapta 36 Paragraf 1-6
1. Ol kirap bek em Baibel i stori long en i soim wanem samting?
2. Bilong wanem ol man nogut bai kirap bek? Ol bai kisim laip we?
3. Long wanem taim ol man bai kirap bek long graun? Wanem samting bai kamap long dispela taim?
Paragraf 7-11
4. Jisas i tok promis long man nogut olsem em bai stap wantaim em long Paradais, dispela i skulim yumi long wanem samting?
5. Olsem wanem Jisas bai i stap wantaim dispela man nogut long Paradais?
6. Bilong wanem Jisas bai larim wanpela man nogut i stap long Paradais?
Paragraf 12-17
7. Olsem wanem yumi save i no olgeta man i kirap bek ol bai kisim laip long graun?
8. Hamas manmeri bai “kirap bek long dispela namba wan taim”? Ol bai mekim wanem?
9. Bilong wanem bai yumi amamas tru long i stap long Paradais long graun?
Sapta 37 Paragraf 1-7
1. God i bin givim wanem gutpela presen long yumi?
2. Bilong wanem yumi olgeta i mas kisim wanpela nupela papa?
3. Olsem wanem Jisas inap kamap papa na Man Bilong Kisim Bek yumi?
4. Pe bilong baim bek ol man em i wanem samting? Bilong wanem dispela em i bikpela samting tru long yumi?
Paragraf 8-15
5. Long nait paslain long Jisas i dai, em i bung wantaim ol disaipel bilong em bilong tingim wanem samting?
6. Bihain long dispela, Jisas i kamapim wanem bung bilong kisim ples bilong Pasova?
7. Jisas i yusim wanem samting long dispela nupela bung? Ol i makim wanem samting?
8. Dispela nupela bung i helpim yumi long tingim wanem samting?
Paragraf 16-18
9. Yumi mas tingting long wanem samting taim yumi go long Memorial?
10. Husat i mas kaikai bret na dring wain? Bilong wanem ol i mas mekim olsem?
11. Ol lain i no kisim bret na wain, bilong wanem ol tu i mas kam long dispela bung?
Sapta 38 Paragraf 1-5
1. Jisas i kisim bek yumi long wanem samting?
2. Jisas i dai bilong helpim husat?
3. God i ting olsem wanem long ol man bilong graun?
Paragraf 6-12
4. Wanem samting i painim Jisas long nait paslain long em i dai?
5. Stori long ol samting i kamap long de bihain.
6. Olsem wanem Jisas i narapela kain long Adam?
Paragraf 13-16
7. Olsem wanem Pol i soim olsem em i pilim tru pasin bilong Krais long laikim em?
8. Wanem bikpela samting tru i mekim na yumi mas laikim tru Jisas?
9. Olsem wanem yumi ken soim olsem yumi stap bilong mekim ol samting Krais i amamas long en?
Sapta 39 Paragraf 1-4
1. Yu ting Jehova i pilim olsem wanem taim ol man i kilim Jisas i dai?
2. Jisas i bilip long wanem samting?
3. Jisas i stap we taim em i kirap bek? Em i bin stap hamas de long matmat?
Paragraf 5-13
4. Stori long ol samting i bin kamap long dispela Fraide Jisas i dai long en.
5. Taim Jisas i kirap bek em i kisim wanem kain bodi? Bihain olsem wanem ol man inap lukim em?
6. Wanem ol samting i kamap long dispela Sande Jisas i bin kirap bek?
Paragraf 14-17
7. Inap hamas de Jisas i kisim bodi bilong graun na i kamap long ai bilong ol man? Wanem samting i kamap bihain?
8. Planti man long nau i save mekim wanem bilong tingim kirap bek bilong Jisas? Olsem wanem yumi ken bihainim pasin bilong ol disaipel bilong Jisas long bipo?
Sapta 40 Paragraf 1-3
1. God i no gat wok long kisim wanem samting long yumi? Tasol yumi inap givim wanem samting long em?
2. Bilong wanem Jehova i no wokim yumi i kamap olsem wanpela masin i mekim nating laik bilong em?
Paragraf 4-7
3. God i pilim olsem wanem taim yumi mekim laik bilong em?
4. Man yumi makim bilong lotuim, bilong wanem dispela em i bikpela samting long Jehova na long Satan?
Paragraf 8-15
5. Satan i mekim wanem long Jop?
6. Yu ting Jehova i pilim olsem wanem taim Jop i stap gut long em?
7. Jisas i stap gutpela piksa long wanem samting? Olsem wanem yumi ken bihainim pasin bilong em?
Sapta 41 Paragraf 1-7
1. Wanpela taim Jisas i mekim wanem na papamama bilong em i wari tru?
2. Taim Jisas i pikinini em i mekim wanem na dispela i mekim papamama bilong em na God i amamas?
Paragraf 8-12
3. Long nau, ol pikinini inap mekim wanem bilong amamasim God?
4. Olsem wanem yumi ken save husat ol i lain bilong God?
Paragraf 13-18
5. Olsem wanem pasin bilong Timoti inap helpim ol yangpela?
6. Pasin bilong yangpela meri Israel inap skulim yumi long wanem samting?
7. Ol yangpela i ken putim wanem mak bilong winim?
Sapta 42 Paragraf 1-6
1. Olsem wanem yumi save i no gat rong long painim amamas?
2. Baibel i tok Jisas i bin lain long mekim wanem wok? Yu ting bilong wanem em i mekim gut dispela wok?
3. Bilong wanem em i gutpela long Jisas i mekim wok? Bilong wanem em i gutpela long yumi mekim wok long nau?
Paragraf 7-13
4. Bilong wanem Jisas em i man bilong amamas?
5. Jisas i mekim wanem spesel wok hia long graun? Em i ting olsem wanem long dispela wok?
6. Ol pikinini i ken mekim wanem wok long nau? Olsem wanem wok bilong ol i ken helpim tru famili?
Paragraf 14-16
7. Bilong wanem em i bikpela samting long mekim skul wok?
8. Bilong wanem yumi no ken surik long mekim wok?
9. Yumi mas mekim wanem bikpela askim long yumi yet long ol samting bilong wok?
Sapta 43 Paragraf 1-7
1. Yumi gat wanem save long ol brata na susa bilong Jisas?
2. Jisas i tok husat em i mama na ol brata bilong em? Wanem mining bilong dispela tok?
3. Ating pastaim ol wanblut bilong Jisas i mekim wanem kain pasin long em?
Paragraf 8-14
4. Baibel i stori long husat tupela brata em narapela i no laikim narapela?
5. Yumi mas kisim wanem skul long stori bilong Kein na Abel?
Paragraf 15-18
6. Pasin laikim em i wanem samting? Bilong wanem em i bikpela samting long kamapim dispela pasin?
7. Olsem wanem yumi ken soim olsem yumi laikim tru ol brata na susa bilong yumi?
Sapta 44 Paragraf 1-5
1. Olsem Abraham, olsem wanem yumi inap kamap pren bilong God?
2. Jisas i laik stap pren bilong wanem kain man?
3. Husat ol i gutpela pren bilong Jisas?
Paragraf 6-10
4. Bilong wanem Jisas i go lukim olgeta kain man?
5. Sakius i husat? Olsem wanem em i kamap pren bilong Jisas?
Paragraf 11-15
6. Bilong wanem yumi go lukim ol man husat i no pren bilong yumi?
7. Yumi mas kamap gutpela pren bilong husat?
8. Olsem wanem yumi ken save husat i gutpela pren?
9. Olsem wanem ol pren inap stiaim laip bilong yumi?
Sapta 45 Paragraf 1-8
1. Kingdom Bilong God em i wanem samting? Yumi gat wanem save long King bilong dispela Kingdom?
2. Olsem wanem yumi ken tok Kingdom i kam klostu pinis long taim bilong Jisas?
3. Jisas i mekim wanem bikpela wok hia long graun? Husat i helpim em long mekim dispela wok?
Paragraf 9-14
4. Husat ol i laik bai Jisas i stap King bilong ol? Husat i no laikim dispela samting?
5. Husat ol i laik kilim Jisas i dai? Olsem wanem ol i stiaim ol manmeri?
6. Ol man long nau i gat wanem tingting long Jisas?
Paragraf 15-20
7. Olsem wanem yumi ken soim olsem yumi laikim tru God?
8. Long rot bilong kisim baptais, Jisas i soim wanem samting? Olsem wanem God i soim olsem Em i orait long dispela?
9. Bilong wanem yumi tu i mas kisim baptais? Bihain long baptais, yumi mas wok yet long mekim wanem bikpela wok?
Sapta 46 Paragraf 1-11
1. Taim Baibel i tok “dispela graun bai i pinis,” wanem mining bilong dispela tok?
2. Paslain long Bikpela Tait, ol man i mekim wanem? Bilong wanem Jisas i tok yumi mas save long dispela samting?
3. God i givim wanem tok long Noa? Wanem samting i kamap taim Bikpela Tait i kamap?
Paragraf 12-19
4. Pasin bilong ol man paslain long Bikpela Tait i skulim yumi long wanem samting?
5. Olsem wanem God bai bagarapim ol man nogut? Bilong wanem em bai bagarapim ol?
6. Armagedon em i wanem samting? Husat bai i go pas long dispela pait?
Sapta 47 Paragraf 1-11
1. Olsem wanem ol man inap save Jisas i kam pinis na em i mekim wok king long heven?
2. Taim Jisas i toktok long diwai fik, em i skulim ol man long wanem samting?
3. Truim bilong wanem ol hap bilong mak Jisas i bin kolim i wok long kamap long nau?
Paragraf 12-16
4. Wanem mining bilong dispela mak Jisas i kolim?
5. Taim Jisas i toktok long ol man i laik ranawe long taim bilong kol, em i skulim yumi long wanem samting?
Sapta 48 Paragraf 1-8
1. Wanem mining bilong dispela tok “nupela skai” na “nupela graun”?
2. Long rot bilong ol skripsa na piksa, stori long sindaun bilong ol man long nupela taim God bai kamapim.
Paragraf 9-15
3. Bilong wanem em i bikpela samting long kisim save long Baibel bambai yumi ken i stap oltaim?
4. Yumi mas i gat save, tasol yumi mas mekim wanem narapela samting tu bambai yumi ken i stap long nupela taim God bai kamapim?
5. Olsem wanem dispela buk inap helpim yumi long i stap oltaim?