Emang lo Nitame fa Bokhutlo bo Ntse bo Atamela

GORENG GO LE BOTLHOKWA: Go ise go ye kae, re tla tshwanela ke go bontsha bopelokgale le gore re tshepa Jehofa go feta le eleng pele. Pitlagano e kgolo e tlile go simolola fa bodumedi jwa maaka bo sena go fedisiwa. (Mat 24:21; Tsh 17:16, 17) Ka nako eo e e thata, re tla tshwanela ke go rerela batho molaetsa wa katlholo. (Tsh 16:21) Re tlile go tlhaselwa ke Gogo wa Magogo. (Esek 38:10-12, 14-16) Mme Jehofa o tlile go sireletsa batho ba gagwe ka go tlisa ‘ntwa ya letsatsi le legolo la Modimo Motlhatayotlhe.’ (Tsh 16:14, 16) Fa re na le mathata gone jaanong, re tshwanetse go tswelela re ikanyega ka gonne seo se tla kgona gore re thusa gore re kgone go emelana le mathata a re tlileng go lebana le one kwa pele.

SE O KA SE DIRANG:

• Tswelela o tshela ka melao ya Modimo ka bopelokgale.—Isa 5:20

• Tswelela o ya dipokanong ka metlha.—Bah 10:24, 25

• Nna bonako go ikobela ditaelo tsa phuthego ya ga Jehofa.—Bah 13:17

• Akanya ka ditsela tse Jehofa a ileng a sireletsa batho ba gagwe mo nakong e e fetileng.—2Pe 2:9

• Kopa Jehofa gore a go thuse mme o mo tshepe.—Pes 112:7, 8

LEBANG BIDIO YA DITIRAGALO TSE DI TLA TLANG TSE DI TLHOKANG BOPELOKGALE—BIDIO E E KHUTSWAFADITSWENG LO BO LO ARABA DIPOTSO TSE DI LATELANG

• 

  Ke kgwetlho efe ya go nna kutlo e Bakeresete bangwe ba neng ba lebana le yone fa phuthego ya bone e ne e kopanngwa le phuthego nngwe?

• 

  Go ikobela ditaelo go ka dira gore re nne pelokgale jang?

• 

  Goreng ke tla tlhoka go nna pelokgale ka nako ya Haramagedona?

• 

  Ke pego efe ya Baebele e e ka dirang gore re dumele gore Jehofa o tla re sireletsa?—2Dit 20:1-24