Ditiro Tse di Molemo Tse Di ka Se Lebalweng

Batho botlhe ba ga Jehofa ba kgona go dira ditiro tse di molemo tse di ka se kang tsa lebalwa. Motsadi yo o ratang bana ba gagwe ga a ka ke a lebala ditiro tse di molemo tse bana ba gagwe ba di dirang. Ka jalo, Jehofa le ene ga kitla a lebala ditiro tsa rona le lorato lo re lo bontshitseng leina la gagwe. (Mat 6:20; Bah 6:10) Gone bokgoni jwa rona ga bo tshwane e bile maemo a rona a farologane. Mme fa re direla Jehofa ka pelo yotlhe re tla itumela. (Bag 6:4; Bak 3:23) Mo dingwageng tse di fetileng, bakaulengwe le bokgaitsadi ba le bantsi ba ile ba direla kwa Bethele. A o ka kgona go ya go thusa kwa Bethele? Fa o sa kgone kgothaletsa mongwe gore a ye Bethele kgotsa thusa mongwe yo o direlang koo gore a tswelele a le mo tirelong eno e e kgethegileng.

LEBA BIDIO YA SE O TLHOKANG GO SE DIRA GORE O KGONE GO DIRELA KWA BETHELE, LO BO LO TLOTLA KA DIPOTSO TSE DI LATELANG:

• Ke eng se se ka dirang gore o batle go direla kwa Bethele?

• Batho bangwe ba ba direlang kwa Bethele ba re Jehofa o ba segofaditse jang?

• Ke eng se se tlhokegang gore o tshwanelege go direla kwa Bethele?

• O ka ipaakanyetsa jang go ya go direla kwa Bethele?