Dipotso tse di Tswang go Babadi

◼ Timotheo wa Ntlha 4:10 e bitsa Modimo “Mmoloki oa batho botlhe, bogolo oa bōnè ba ba dumèlañ.” Ka gone a bape fela ba ba sa ikanyegeng ba tla bolokwa?

Nnyaa. Ntlha ke gore poloko e tlhomamisediwa segolo bao ba bontshang tumelo.

Moaposetoloi Paulo o ne a tlhagisa Timotheo gore tshologelo molemo ya poifomodimo ke gore “e na le choloheco kaga botshelō yoa gompiyeno, le kaga yōna yo bo tla tlañ.” (1 Timotheo 4:6-8) Go tswa foo Paulo o ne a kwala ka gore: “Gonne rea diha e bile rea leka ka ntlha ea gona mouō, ka gonne re na le cholohèlō ea rona e tlhomilwe mo Modimoñ o o tshedileñ, o e leñ Mmoloki oa batho botlhe, bogolo oa bōnè ba ba dumèlañ.”​—1 Timotheo 4:10.

Modimo o tshwaretse batho botlhe kgonego ya poloko Jaaka Paulo a ne a kwala ka go re: “Gonne go Modimo o le moñwe hèla, go bile go motsereganyi a le moñwe hèla ha gare ga Modimo le batho, motho ka esi. Keresete Yesu, eo o intshitseñ go nna thèkololō ea botlhe.” (1 Timotheo 2:5, 6) Mme ke mang yo o tla arabelang thekololong, a ikgethela botshelo gona le loso? (Duteronome 30:19, 20) Batho bangwe ba gana molaetsa wa poloko wa Bokeresete. Mo go ba bangwe. ‘peo’ e nama metswe mme e bo e gola ka lobakanyana, mme moragonyana ba letlelela pogiso, dikgatlhego tsa dilo tse di bonalang kgotsa dikamego tse dingwe go ba tsena fa gare le poloko.​—Mathaio 13:3-8.

Ka jalo lefa poloko eo Modimo o e tshotseng e le gone go mongwe le mongwe, mme tsela eo dilo di tla tsamayang ka yone go tla supa gore poloko segolo-bogolo ke ya “bōnè ba ba dumèlañ.” Ka gone moaposetoloi Petere o ne a tlhagisa ka go re: “Ke gōna ba ga echo, lo tlhōahalèlè bogolo go rurehatsa go bidiwa ga lona le go itshenkelwa ga lona: gonne ha lo diha dilō tse, ga lo ketla lo kgocwa gopè.”​—2 Petere 1:10; Yohane 3:16.