Baakanyetsa Dikarabo Tse di Tla Nonotshang ba Bangwe

Fa re le kwa dipokanong, re na le tshono ya go kgothatsa bakaulengwe le bokgaitsadi ka dikarabo tsa rona. (Baheb. 10:24, 25) Re ka baakanyetsa jang dikarabo tse di tla kgothatsang ba bangwe?

• Rapela Jehofa. Mo kope gore a go thuse gore fa o araba o mmake le gore o kgothatse ba bangwe.​—Pes. 35:18.

• O se ka wa bala fela se se mo kgatisong. Fa o araba ka mafoko a gago, ba bangwe ba tla kgothadiwa ke go go utlwa o tlhalosa tumelo ya gago.

• Araba ka bokhutshwane. Gantsi dikarabo tse dikhutshwane e bile di le motlhofo di kgothatsa ba bangwe e bile di dira gore batho ba le bantsi ba kgone go araba.​—Diane 10:19.

• Kgothatsa ba bangwe fa o araba. O se ka wa kgalemela kgotsa wa tshwayatshwaya phuthego kgotsa Mokeresete mongwe phoso fa o araba.

Tota le fa o sa supiwa gore o arabe, o sa ntse o ka kgona go kgothatsa ba bangwe. Reetsa ka tlhoafalo fa ba araba, mme o ba lebogele dikarabo tsa bone morago ga dipokano.​—Diane 10:21.