Ke Eng Se se Ka go Thusang go Gopola Ditemana?

A ka dinako dingwe o thatafalelwa ke go gopola temana e o e ratang? Gongwe e ka tswa e le temana e e go gomotsang, e e go thusang go lwantsha dikakanyo tse di sa siamang kgotsa e o batlang go e balela mongwe. (Pes. 119:11, 111) Dikakantsho tse di latelang di ka go thusa go gopola ditemana.

• Dirisa tag e e mo JW Library^®. Itsenyetse tag e o tla e bitsang “Ditemana Tse ke di Ratang,” o bo o tsenya ditemana tse o batlang go di gopola.

• Baya temana mo o ka kgonang go e bona gone. Kwala temana e o batlang go e gopola mo pampiring o bo o e baya mo o ka nnang o e bona gone. Ba bangwe ba e baya gaufi le seipone, mme ba bangwe ba e baya mo lebating la foriji. Ba bangwe bone ba tsaya temana senepe ba bo ba e dira screen saver mo dikhomputareng kgotsa mo difounong tsa bone.

• Itirele dikarata. Kwala temana mo letlhakoreng le lengwe la karata, mme mo go le lengwe o kwale mafoko a yone. Go tswa foo, lebelela letlhakore le o kwadileng temana mo go lone o bo o leka go gopola gore mafoko a yone a reng, kgotsa lebelela letlhakore le o kwadileng mafoko a temana mo go lone o bo o leka go ikgopotsa gore a tswa mo temaneng efe.