O ka Kgona go Itshokela Maemo a a Thata a Ikonomi

Mo malatsing ano a bofelo, botshelo bo tletse ka mathata a le mantsi. Mathata a tla nna a oketsega fa re ntse re atamela bokhutlo jwa lefatshe leno le le bosula. Ka dinako dingwe, dilo tse re di tlhokang di ka nna tsa tlhaela. (Hab 3:16-18) Ke eng se se ka re thusang go itshokela maemo a a thata a ikonomi? Re tshwanetse go nna re ikanya Jehofa. Jehofa o tla re tlamela ka dilo tse re di tlhokang e bile o re solofetsa gore o tla re tlhokomela.—Ps 37:18, 19; Bah 13:5, 6.

Se o ka se dirang:

• Kopa Jehofa gore a go kaele, a go fe botlhale e bile a go tshegetse.—Ps 62:8

• Ikemisetse go amogela tiro e o sa e tlwaelang.—g 1/10 8-9, mabokose

• Tswelela o bala Lefoko la Modimo letsatsi le letsatsi, nna gone mo dipokanong le kwa bodireding ka metlha

LEBANG BIDIO YA AGA NTLO E E SE KITLANG E PHUTLHAMA—‘KGOTSOFALELA DILO TSA JAANONG,’ LO BO LO ARABA DIPOTSO TSE DI LATELANG:

• Malapa mangwe a ile a kopana le dikgwetlho dife?

• Ke eng se se botlhokwa thata mo botshelong?

• Re ka thusa jang ba ba lebaneng le maemo a a thata a ikonomi?