Bokgaitsadi ba ka Direla Jehofa Jang mo go Oketsegileng?

Bokgaitsadi ba na le seabe sa botlhokwa mo tirong ya go rera ka Bogosi. (Ps 68:11) Ba tshwara bontsi jwa dithuto tsa Baebele. Babulatsela ba ka metlha ba le bantsi ke bokgaitsadi. Bokgaitsadi ba le bantsi ba ba dirang ka natla, ba direla kwa magaeng a Bethele, ke barongwa, ba direla mo diporojekeng tsa go aga e bile ke baranodi. Bokgaitsadi ba ba dirang ka natla go direla Jehofa, ba kgothatsa phuthego le ba malapa a bone. (Dia 14:1) Le fa gone bokgaitsadi ba sa kgone go direla e le bagolwane kgotsa batlhanka ba bodiredi, ba sa ntse ba ka kgona go ipeela mekgele mo phuthegong. Fa o le kgaitsadi, o ka oketsa jang tsela e o direlang Jehofa ka yone?

• Dira ka natla gore o nne le dinonofo tsa Bokeresete. ​—1Ti 3:11; 1Pe 3:3-6

• Thusa bokgaitsadi mo phuthegong ba ba se nang maitemogelo go le kalo.—Tit 2:3-5

• Leka go fetsa nako e ntsi o le mo bodireding e bile o tokafatse tsela e o rutang ka yone

• Ithute puo e nngwe

• Fudugela kwa go nang le tlhokego ya baboledi gone

• Ikwadisetse go ya go direla kwa Bethele kgotsa go ya go thusa ka go aga dikago tsa puso ya Modimo

• Ikwadisetse go ya kwa Sekolong sa Baboledi ba Bogosi

LEBANG BIDIO YA, “BASADI BA BA DIRELANG MORENA KA NATLA,” LO BO LO ARABA POTSO ENO:

• Kgaitsadi mongwe le mongwe o go kgothaditse jang?