Tlhopha Ditsala Tsa Gago Sentle

Bakeresete ba ka ithuta mo go se se diragaletseng Baiseraele kwa mabaleng a a sekaka a Moabe. (1Bak 10:6, 8, 11) Baiseraele ba ba neng ba itsalanya le basadi ba Bamoabe ba ba sa itshwarang sentle e bile ba obamela medimo ya maaka, ba ile ba dira gore Baiseraele ba dire maleo a a masisi. Mme go ile ga nna le ditlamorago tse di botlhoko. (Dip 25:9) Re tshela le batho ba ba sa obameleng Jehofa jaaka batho ba re berekang le bone, ba re tsenang sekolo le bone, baagelani, ba masika le batho ba bangwe. Re ka ithuta eng mo pegong eno ya Baebele, ka dilo tse di ka re diragalelang fa re itsalanya le batho ba ba sa obameleng Jehofa?

LEBANG BIDIO YA DIKAI TSE DI RE TLHAGISANG MO MOTLHENG WA RONA—BIDIO E E KHUTSWAFADITSWENG, LO BO LO ARABA DIPOTSO TSE DI LATELANG:

• 

  Simeri le ba bangwe ba ne ba dira gore Jamine a se ka a akanya sentle ka tsela efe?

• 

  Finease o ne a thusa Jamine jang gore a akanye sentle?

• A go na le pharologanyo fa gare ga go dirisana le motho yo o sa direleng Jehofa le go itsalanya le ene?

• Goreng re tshwanetse go tlhopha ditsala ka kelotlhoko, tota le mo phuthegong?

• Goreng re sa tshwanela go bua le batho ba re sa ba itseng mo Internet?