Nna o le Malala a Laotswe

A o ipaakanyeditse masetlapelo a tlholego a a ka nnang teng mo lefelong la lona? Dilo tse di jaaka dithoromo tsa lefatshe, dikgwanyape, molelo o o sa laolesegeng wa sekgwa le morwalela, di ka direga go sa lebelelwa di bo di senya. Mo godimo ga moo, dilo tse di tshwanang le di- khuduego, borukhutlhi le malwetse a leroborobo ke dilo tse di ka diregang gongwe le gongwe e bile di ka re tshoganyetsa. (Mor 9:11) Ga re a tshwanela go akanya gore dilo tseno ga di ka ke tsa direga mo mafelong a re nnang mo go one.

Ka jalo, mongwe le mongwe wa rona o tshwanetse go baakanya ditlamelwana tsa pula go sa le gale, pele masetlapelo a tla. (Dia 22:3) Le fa phuthego ya ga Jehofa e thusa ka nako ya masetlapelo a tlholego seno ga se reye gore re tshwanetse go phutha mabogo.—Bag 6:5.

LEBANG BIDIO YA, RE KA IPAAKANYETSA JANG MASETLAPELO A TLHOLEGO?, LO BO LO ARABA DIPOTSO TSE DI LATELANG:

• 

  Re ka ipaakanyetsa jang masetlapelo a tlholego?

• 

  Goreng go le botlhokwa . . .

  • • go nna re tlotla le bagolwane pele ga masetlapelo, ka nako ya masetlapelo le morago ga moo?

  • • go baakanya dilwana tsa thuso ya potlako?—g17.5 6

  • • go tlotla ka mefuta ya masetlapelo a ka nnang teng mo lefelo la lona le gore fa a ka direga lo tla dira eng?

• 

  Ke dilo dife tse tharo tse re ka di dirang go thusa batho ba ba tlhagetsweng ke masetlapelo?