O Tla Dirang ka Ngwaga wa Komelelo?

Re tshwanetse go nna le tumelo mo go Jehofa le go mo tshepa. Ka sekai, fa re na le tumelo mo go Jehofa, seno se re thusa go tshepa gore o tla re sireletsa le go re tlhokomela. (Pes 23:1, 4; 78:22) Fa nako ya gore batho ba ba bosula ba fedisiwe e ntse e atamela, re a itse gore Satane o tlile go re tlhasela le go feta. (Tsh 12:12) Ke eng se se tla re thusang?

LEBA BIDIO YA, O TLA DIRANG KA NGWAGA WA KOMELELO? LO BO LO TLOTLA KA DIPOTSO TSE DI LATELANG:

1. Re tshwana jang le “setlhare” se go builweng ka sone mo go Jeremia 17:8?

2. Mofuta mongwe wa “mogote” o re o utlwang ke ofe?

3. Go direga eng ka “setlhare” seno fa se utlwa mogote, mme goreng go ntse jalo?

4. Maikaelelo a ga Satane ke eng?

5. Re tshwana jang le batho ba ba setseng ba tlwaetse go palama sefofane?

6. Goreng re tshwanetse go nna re tshepa motlhanka yo o boikanyego le yo o botlhale, mme ke mathata afe a re tla nnang le one?

7. Goreng re tshwanetse go nna re tshepa melaometheo ya Baebele le fa batho ba bangwe ba re ja ditshego?