Bakeresete ba Boammaaruri ba a Ratana—Tilang Bopelotshetlha le go Kgopisega Motlhofo

GORENG GO LE BOTLHOKWA: Jesu o ne a re re tla itsiwe gore re barutwa ba gagwe fa re ratana. (Joh 13:34, 35) Gore re bontshane lorato lono, re tshwanetse go dira gore dilo tse ba bangwe ba di tlhokang di tle pele le go tila go kgopisega motlhofo.—1Bak 13:5.

SE O KA SE DIRANG:

• Fa mongwe a bua kgotsa a dira sengwe se se go utlwisang botlhoko, ipotse pele ka se se ka tswang se bakile bothata jono le gore se o tla se buang kgotsa se o tla se dirang se tla ama motho yoo jang.—Dia 19:11

• Gopola gore rotlhe re dira diphoso le gore re na le go bua kgotsa go dira dilo tse morago re di ikwatlhaelang

• Rarabolola dikgotlhang ka bonako

LEBANG BIDIO YA ‘RATANANG’—TILANG BOPELOTSHETLHA LE GO KGOPISEGA MOTLHOFO, LO BO LO ARABA DIPOTSO TSE DI LATELANG:

• Larona o ne a itshwara jang fa Tiro a mo kopa gore ba kopane morago ga dipokano?

• Fa Tiro a ne a ema gore a akanye ka se Larona a se buileng, seno se mo thusitse jang gore a se ka a kgopisega motlhofo?

• Go ile ga direga eng fa Tiro a sena go araba Larona ka bonolo?