Le Ene Jesu o mo Swetse

Jesu o swetse batho botlhe. (Bar 5:8) Mongwe le mongwe wa rona o lebogela go bo Jesu a re bontshitse lorato ka go re swela. Le fa go ntse jalo, ka dinako tse dingwe, re a tle re lebale gore Keresete o swetse le bakaulengwe le bokgaitsadi ba rona. Re ka bontsha jang gore re ba rata fela jaaka Keresete a re rata? Re ka dira seo ka ditsela tse tharo. Sa ntlha, re ka itsalanya le batho ba ba godileng ka tsela e e farologaneng le ya rona. (Bar 15:7; 2Bak 6:12, 13) Sa bobedi, re ka ela tlhoko gore ga re dire kgotsa ga re bue dilo tse di ka utlwisang ba bangwe botlhoko. (Bar 14:13-15) Sa boraro, re ka itshwarela ba bangwe ka bonako fa ba re diretse diphoso. (Luk 17:3, 4; 23:34) Fa re leka ka natla go etsa sekao sa ga Jesu ka ditsela tseno, Jehofa o tla tswelela a segofatsa phuthego ya rona ka kagiso le tirisanommogo.

LEBA BIDIO YA NNA MOTHO YO O MOLEMO! O BO O ARABA DIPOTSO TSE DI LATELANG:

• 

  Tumi o simolotse a ikutlwa jang ka phuthego e a neng a fudugetse kwa go yone?

• 

  Ke eng se se dirileng gore a fetole tsela e a neng a ikutlwa ka yone?

• 

  Sekao sa ga Jesu se ile sa thusa Tumi jang? (Mar 14:38)

• 

  Diane 19:11 e ka re thusa jang go bona dilo tse di molemo mo go ba bangwe mo phuthegong?