Latela Dikgato Tsa ga Keresete Gaufiufi

Jesu o re tlhometse sekao se re ka se etsang fa re lebane le diteko kgotsa fa re bogisiwa. (1Pe 2:21-23) Le fa gone Jesu a ne a tlhapadiwa e bile a bogisiwa, ga a ka a ipusolosetsa. (Mar 15:29-32) Ke eng se se mo thusitseng go itshoka? O ne a ikemiseditse go dira thato ya ga Jehofa. (Joh 6:38) Gape o ne a tlhomile mogopolo mo tuelong e a neng a tla e newa.—Bah 12:2.

Re ka dira eng fa batho ba sa re tshware sentle ka ntlha ya se re se dumelang? Bakeresete ba boammaaruri ga ba “[busetse] ope bosula ka bosula.” (Bar 12:14, 17) Fa re etsa Keresete ka go itshoka, re tla itumedisiwa ke go itse gore re amogelwa ke Modimo.—Mat 5:10-12; 1Pe 4:12-14.

LEBA BIDIO YA LEINA LA GA JEHOFA KE LONE LA BOTLHOKWATLHOKWA, MORAGO GA MOO, ARABA DIPOTSO TSE DI LATELANG:

• Kgaitsadi Pötzingera o ile a dirisa nako ya gagwe jang fa a ne a le esi kwa seleng?

• Mokaulengwe le Kgaitsadi Pötzinger ba ile ba kopana le diteko dife fa ba le kwa dikampeng tsa pogisetso?

• Ke eng se se ba thusitseng gore ba itshoke?