Tshela ka Tsela e e Galaletsang Jehofa!

Botshelo ke mpho ya botlhokwa thata. Tsela e re tshelang ka yone e bontsha gore re bo tlotla go le kana kang. Rona Basupi ba ga Jehofa re dirisa bokgoni jwa rona go baka Jehofa Modimo yo o re neileng botshelo. (Pes 36:9; Tsh 4:11) Mme gone, go tshwenyega thata ka dilo tsa botshelo go ka dira gore re feleletse re tlhokomologile tumelo ya rona. (Mar 4:18, 19) Mongwe le mongwe wa rona o tshwanetse go ipotsa gore: ‘A ke direla Jehofa ka pelo yotlhe? (Hos 14:2) A tiro ya me e nkgoreletsa go direla Jehofa ka pelo yotlhe? Ke ipeetse mekgele efe ya semoya? Nka tokafatsa jang bodiredi jwa me?’ Kopa Jehofa gore a go thuse fa o bonang o tlhoka go tokafatsa gone mme o dire dilo go dumalana le dithapelo tsa gago. O tla itumela fa o baka Jehofa letsatsi le letsatsi!—Pes 61:8.

LEBA BIDIO E E RENG DIRISA BOKGONI JWA GAGO GO DIRELA JEHOFA, GO TSWA FOO, ARABA DIPOTSO TSE DI LATELANG:

• Ke eng fa go se botlhale go dirisa bokgoni jwa gago mo lefatsheng leno la ga Satane? (1Jo 2:17)

• Jehofa o segofatsa jang batho ba ba mo direlang ka pelo yotlhe?

• Ke dikabelo dife tse o ka dirisang bokgoni jwa gago mo go tsone?