Ba Amogele ka Lorato

Bomang? Mongwe le mongwe yo o tlang kwa dipokanong tsa rona, e ka tswa e le batho ba ba etileng lekgetlo la ntlha kgotsa e le batho ba re ba itseng. (Bar 15:7; Bah 13:2) Gongwe e ka nna Mosupi yo o tswang kwa nageng e nngwe kgotsa Mosupi yo go fetileng lobaka a sa tle dipokanong. A o ne o se kitla o itumela fa o amogelwa ka lorato? (Mat 7:12) Ka jalo, go botlhokwa gore re dumedise batho ba ba tlileng dipokanong, re ka dira jalo pele dipokano di simolola kgotsa morago ga tsone. Seno se dira gore batho ba ikutlwe ba amogelesegile, ba ratiwa e bile se tlisetsa Jehofa kgalalelo. (Mat 5:16) Gone o ka se kgone go bua le mongwe le mongwe yo o tlileng dipokanong. Mme gone batho ba tla ikutlwa ba amogelesegile fa re tsaya matsapa a go ba dumedisa.a

Go amogela baeng e tshwanetse go nna selo se re se dirang ka dinako tsotlhe e seng ka nako ya Segopotso fela kgotsa fa go na le tiragalo nngwe e e kgethegileng. Fa batho ba ba re etetseng lekgetlo la ntlha ba bone tsela e re ratanang ka yone, ba ka nna ba tlhotlheletsega go galaletsa Modimo le go nna Basupi ba ga Jehofa.—Joh 13:35.