A o Dirisa Lefoko la Modimo mo Botshelong Jwa Gago?

Go bala Baebele letsatsi le letsatsi go ka go thusa gore o ‘name medi’ e bile o ‘tsepamisiwe mo tumelong.’ (Bakol. 2:6, 7) Mme gone, re tshwanetse go bala Baebele le go dirisa melaometheo ya yone gore e kgone go re thusa mo matshelong a rona. (Baheb. 4:12; Jak. 1:22-25) Joshua 1:8 e bua ka dikgato tse tharo tsa go bala Baebele ka tsela e e ka re thusang: (1) Bala Lefoko la Modimo “motshegare le bosigo.” (2) Le balele “kwa tlase,” se se kayang gore o se ka wa bala ka bonako gore o kgone go tlhatlhanya le go ipona o le karolo ya se o balang ka sone. (3) Tsaya kgato go dira “sotlhe se se kwadilweng mo go yone.” Go dirisa dikgato tseno tse tharo go ka re thusa gore re “atlege” le go “dira ka botlhale.”