A o Tshwanetse go Emisa?

Fa baboledi bangwe ba le mo bodireding jwa tshimo, ba tlwaetse go emisa ka nako e e rileng, gongwe ka sethoboloko. Gone ke boammaaruri gore maemo a bangwe a dira gore ba emise bodiredi jwa bone jwa tshimo ka nako e e rileng. Mme a o emisa go rera fela ka go bo ba bangwe mo setlhopheng sa lona ba emisa go rera kgotsa ka go bo e le tlwaelo mo lefelong la lona go emisa ka nako e e rileng? A o ka oketsa tirelo ya gago ka go bereka metsotso e e oketsegileng mme o nne le seabe mo mofuteng mongwe wa go neela bosupi, jaaka tiro ya mmila? A o ka kgona go boela kwa mothong a le mongwe kgotsa ba le babedi fa o le mo tseleng o ya gae? Akanya fela gore o tla bo o dirile tiro e e molemo jang fa o ne o ka bona motho a le mongwe yo o kgatlhegang kgotsa o ka tsamaisetsa motho yo o kopanang le ene dimakasine! Fa e le gore ga re tlhoke go emisa, go bereka metsotso e sekaenyana e e oketsegileng ke tsela e e motlhofo ya go oketsa ‘setlhabelo sa rona sa pako.’—Baheb. 13:15.