Lebokoso la Dipotso

◼ A go siame go opa diatla fa go itsisiwe gore mongwe o a busediwa?

Jehofa Modimo ka bopelonomi jwa gagwe jo bo lorato o re neetse tsela ya Dikwalo ya gore a boe gape a amogele badiraphoso ba ba ikwatlhayang mme ba busediwe mo phuthegong ya Bokeresete. (Pes. 51:12, 17) Fa seno se dirwa, re kgothalediwa go bontsha batho bano ba ba ikwatlhaileng lorato go tswa pelong.—2 Bakor. 2:6-8.

Le fa go ntse jalo, le fa go itumedisa go bona mongwe wa losika kana tsala e busediwa, re tshwanetse go didimala fa go itsisiwe gore motho yoo o busediwa mo phuthegong. Tora ya Tebelo ya October 1, 1998, tsebe 17, e ile ya tlhalosa dikgang ka tsela eno: “Le fa go ntse jalo, re tshwanetse go gakologelwa gore, batho ba le bantsi mo phuthegong ga ba itse ka botlalo mabaka a a dirileng gore motho yoo a lelekiwe kana a busediwe. Mo godimo ga moo, go ka tswa go na le batho ba boleo jwa yo o ikwatlhayang bo ba amileng ka namana kgotsa bo ba utlwisitseng botlhoko—gongwe e bile ka nako e telele. Ka jalo, ka go akanyetsa dikgang tse di ntseng jalo, go a utlwala gore fa go dirwa kitsiso ya gore motho o buseditswe, ga re ne re itlhaganelela go supa gore re a mo amogela go fitlha re dira jalo re na le ene fela.”

Le mororo re itumelela thata go bona mongwe a boela mo boammaaruring, go tla bo go sa tshwanela gore re ope diatla ka nako ya fa a busediwa.