Dikitsiso
◼ Dibuka tse di tsamaisiwang ka September: Kitso E E Isang Botshelong Jo bo Sa Khutleng ka moneelo wa R5,00 tsa khabara e e thata le R3,75 tsa khabara e e seng thata. October: Dikhopi tsa makasine wa Tora ya Tebelo le Tsogang! November: Kitso E E Isang Botshelong Jo bo Sa Khutleng ka moneelo wa R5,00 tsa khabara e e thata le R3,75 tsa khabara e e seng thata. December: Kitso E E Isang Botshelong Jo bo Sa Khutleng le Thanolo ya Lefatshe le Lesha ya Dikwalo Tsa Bokeresete Tsa Segerika ka moneelo wa R9,00 fa go tsamaisiwa buka ya khabara e e thata le R7,75 fa go tsamaisiwa buka ya khabara e e seng thata.
◼ Molebedi yo o okamelang kana mongwe yo o tlhophilweng ke ene o tshwanetse go tlhatlhoba diakhaonto tsa phuthego ka September 1 kana ka bonako jo bo kgonegang morago ga foo. Itsise phuthego ka seno fa se setse se dirilwe.
◼ Diphuthego di tshwanetse go simolola go otara 1999 Calendar of Jehovah’s Witnesses mo otareng ya tsone ya dibuka ya September. Dikhalentara di tla bo di le gone ka Seburu, Seesemane, Sefora, Segerika, Sejeremane, Sentadiana, Sepotokisi, Sesotho, Sexhosa le Sezulu. Tseno ke dikgatiso tsa setoko se se laolwang. Diphuthego tse di se nang akhaonto mo Mokgatlhong kana tse di kolotang mo akhaontong ya tsone di tshwanetse go romela madi le diotara tsa tsone.
◼ Bagolwane ba gakololwa gore ba latele ditaelo tse di mo tsebeng ya 21-3 mo makasineng wa Tora ya Tebelo ya April 15, 1991, e e buang ka batho bape ba ba kgaotsweng kana ba ba itomolotseng ba ba ka tswang ba batla go busediwa.
◼ TSWEETSWEE ELA TLHOKO: Fa o leletsa mogala kwa Mokgatlhong, tsweetswee nna o gakologetswe se se latelang: (1) Kwantle ga mabaka a tshoganyetso, tsweetswee o ka leletsa maloko a lelapa la Bethele mogala ka dinako tsa morago ga tiro ka gonne megala ya rona e a tlala motshegare. (2) Fa o letsa o na le bothata bongwe kana o na le potso nngwe, tsweetswee bolela ka phepafalo gore o letsa o le kae le gore o batla go bua ka eng. Ga re kgothaletse bagolwane gore ba kope go bua le mokaulengwe mongwe yo o rileng yo ba mo itseng ka gonne a ka tswa a abetswe go direla kwa lephateng le lengwe kana a ka nna a bo a sa kgone go thusa ka nako eo. Moarabi wa megala o ka kgona go go isa kwa lephateng le le ka go thusang. Tsweetswee leka go bua ka bokhutshwane ka mo go ka kgonegang e le go boloka nako e e botlhokwa. (3) Fa o na le bothata jo o ka ratang go bua ka jone, tsweetswee bo tlotle le bagolwane ba phuthego ya gago pele o ka leletsa Mokgatlho mogala. Ba ka kgona go araba dipotso tsa gago kana go rarabolola bothata jo o nang le jone. Fa e se kgang e e potlakileng, re kgothaletsa BOTLHE, go akaretsa le bagolwane, gore bogolo ba kwale lekwalo ba bolele ka bothata jo ba nang le jone. Re tla itumelela go araba kgang eo ka bonako jo bo ka kgonegang.—Bona Lebokose la Dipotso la Tirelo ya Rona ya Bogosi ya December 1992, tsebe 5.