Dikitsiso

◼ Mpho ya buka ka January: Kagiso ya Boammaaruri le Polokesego—O Ka Di Bona Jang? ka moneelo wa R4,00. February: Tshenolō—Konelo ya Yone e e Molemolemo e Atametse! ka moneelo wa R12,00. March: Sephiri sa Boitumelo mo Lelapeng ka moneelo wa R4,00. April le May: Peeletso ya Tora ya Tebelo ya ngwaga o le mongwe ka poso ka moneelo wa R41,00 ya tse di tswang gabedi ka kgwedi. Peeletso ya ngwaga o le mongwe ya tse di tswang gangwe ka kgwedi kana peeletso ya dikgwedi di le thataro ya tse di tswang gabedi ka kgwedi ke R20,50. Dipeeletso tsa tlelapa ke R24,00 le R12,00 ka go latelana. Dira boiteko jo bo kgethegileng jwa go tsamaisa dikhopi tsa dimakasine fa mpho e sa amogelwa.

◼ Baboledi botlhe ba ba kolobeditsweng ba ba leng gone mo Pokanong ya Tirelo ka beke ya January 13 ba tla newa karata ya Advance Medical Directive/Release le Identity Card ya bana ba bone.

◼ Go simolola ka March 2, puo e ntšha ya phatlalatsa ya balebedi ba potologo e tla bo e le “Dirisa Thuto go Baka Jehofa.”

◼ Diphuthego di tshwanetse tsa dira dithulaganyo tse di tshwanelang tsa go keteka Segopotso monongwaga ka Sontaga, March 23, fa letsatsi le sena go dikela. Le mororo puo e ka nna ya simolola pelenyana, go fetisiwa ga ditshwantshetso tsa Segopotso ga go a tshwanela ga simolola go fitlhelela letsatsi le sena go dikela. Batlisisang mo metsweding ya tshedimosetso ya lefelo la ga lona go bona gore letsatsi le dikela leng mo tulong ya lona. E re ka go sa tshwanela gore go tshwarwe dipokano dipe kwa ntle ga tsa tirelo ya tshimo mo letsatsing leo, go tshwanetse ga dirwa diphetogo tse di tshwanelang gore go tshwarwe Thuto ya Tora ya Tebelo ka nako e nngwe. Balebedi ba potologo ba tla tshwanelwa ke gore ba fetole thulaganyo ya bone ya dipokano ya beke eo go ikaegile ka maemo a lefelo leo. Le mororo go le molemo gore phuthego nngwe le nngwe e nne le Segopotso sa yone, go ka nna ga se ka ga kgonega jalo ka metlha. Kwa diphuthego di le mmalwa di nang le go dirisa Holo ya Bogosi e le nngwe teng, gongwe phuthego e le nngwe kgotsa di le mmalwa di ka bona lefelo le lengwe mo maitsiboeng ao gore di le dirise. Segopotso ga se a tshwanela go simolola bosigo thata mo e leng gore batho ba ba sa tswang go kgatlhega ba go fitlhela go le thata go nna gone. E bile dinako ga di a tshwanela go pitlagana thata mo e leng gore ga go na nako ya go dumedisa baeng, go dira dithulaganyo tsa gore batho ba ba kgatlhegang ba tswelele ba thusiwa semoyeng, kana go itumelela go kgothatsana fela le ba bangwe pele kana morago ga mokete. Morago ga go sekaseka mabaka otlhe ka kelotlhoko, bagolwane ba tshwanetse ba dira tshwetso ya gore ke dithulaganyo dife tse di tla thusang ba ba nnang gone mo Segopotsong gore ba solegelwe molemo ka botlalo ke nako eno.

◼ Puo ya phatlalatsa e e kgethegileng ya paka ya Segopotso ya 1997 e tla neelwa ka Sontaga, April 6. Lo tla romelelwa aotlelaene. Diphuthego tse di nang le molebedi wa potologo, kopano ya potologo, kana letsatsi la kopano e e kgethegileng mo mafelobekeng ao di tla nna le puo ya tsone e e kgethegileng mo bekeng e e latelang. Ga go na phuthego epe e e tshwanetseng ya nna le puo e e kgethegileng pele ga April 6.

◼ Fa lo abela sebui sa Segopotso, ka gonne paka eno e le paka e e kgethegileng, setlhopha sa bagolwane se tshwanetse go tlhopha mongwe wa bagolwane ba ba tshwanelegang go na le gore ba bo ba ntse ba fapaanelana fela kana ba dirisa mokaulengwe a le mongwe ngwaga le ngwaga.

◼ April 5, 1997, e tla nna Letsatsi la rona le le kgethegileng tota la Dimakasine. Mo nakong e e fetileng ba le bantsi ba itumeletse go nna le seabe mo ditirong tsa Letsatsi le le kgethegileng la Dimakasine. Ke ka ntlha yang fa o sa simolole go rulaganya jaanong gore o nne le seabe ka botlalo monongwaga? Diphuthego di tshwanetse go tsenya diotoro tse di kgethegileng tsa dimakasine ka bonako jo bo kgonegang.

◼ Segopotso sa 1998 se tla bo se le ka Matlhatso, April 11, fa letsatsi le sena go dikela. Kitsiso eno ya letlha la mokete wa Segopotso sa 1998 e dirwa go santse go le gale gore bakaulengwe ba dire dipeeletso kana ditumalano tse di tlhokegang tsa diholo tse di ka dirisiwang fa e le gore go na le diphuthego di le mmalwa tse di dirisang Holo ya Bogosi mme di tshwanetse go bona mafelo a mangwe.

◼ Mokgatlho o tlhagisitse Magazine File Case e e sa jeng madi a mantsi, ya polasetiki e e tla tsayang maemo a ya vinyl. Tlhwatlhwa ya yone mo phuthegong, mo bathong botlhe, le mo babulatseleng ke R7,50.