Lenaane la Diteng

Go opela ga e bolo go nna karolo ya botlhokwa ya kobamelo mo bathong ba ga Jehofa. Le fa go ntse jalo, Bakeresete bangwe ba ikgogona go opela mo pele ga batho. Re ka dira jang gore re se ka ra tshaba go opelela Jehofa? Setlhogo seno se re naya mabaka a go opela le dikakantsho tsa gore re ka tokafatsa jang tsela e re opelang ka yone.

Re ka ithuta dithuto tsa botlhokwa mo thulaganyong ya metse ya botshabelo ya kwa Iseraele wa bogologolo. Setlhogo sa ntlha se tlotla ka ditsela tse baleofi ba ka batlang botshabelo ka tsone mo go Jehofa. Setlhogo sa bobedi se tla re thusa go bona kafa sekao sa ga Jehofa se ka re thusang ka gone go itshwarela ba bangwe, go tlotla botshelo le go dira dilo ka tsela e e siameng.

Ditlhogo tseno di theilwe mo kgakololong e Paulo a neng a e naya Bakeresete ba kwa Kolosa. Setlhogo sa ntlha se tlhalosa se re ka se dirang fa re utlwa dikgopolo dingwe tsa lefatshe tse go ka bonalang di utlwala. Setlhogo sa bobedi se tla re thusa go tila dilo dingwe tse di ka re amogang masego a Jehofa a re solofetsang one.