Mathata a a Nayang Tsholofelo

“Mo metlheng ya bofelo go tla nna le dinako tsa mathata tse go leng boima go lebana le tsone.”—2 TIMOTHEO 3:1.

A O KILE wa utlwalela—kgotsa wa bona—epe ya ditiragalo tse di latelang tse di utlwisang botlhoko?

● Bolwetse jo bo bolayang bo nyeletsa batho ba le masomesome.

● Batho ba le makgolokgolo ba swa ka ntlha ya leuba.

● Thoromo ya lefatshe e bolaya diketekete tsa batho mme ba bangwe ba bantsi ba sala ba se na matlo.

Mo ditsebeng tse di latelang o tla sekaseka dintlha tse di tla dirang gore o akanye thata ka boemo jwa lefatshe leno. Gape o tla bona gore Baebele e ne ya bolelela pele gore maemo a a ntseng jalo a ne a tla nna teng mo nakong e e bidiwang ‘metlha ya bofelo.’a

Le fa go ntse jalo, boikaelelo jwa ditlhogo tseno ga se go go bontsha gore re tshela mo lefatsheng le le tletseng mathata. O tshwanetse wa bo o kgona go bona mathata ano ka bowena. Go na le moo, di diretswe go go naya tsholofelo. Di tla go bontsha gore go diragadiwa ga dipolelelopele tseno tse thataro go kaya gore ‘metlha ya bofelo’ e tloga e fela. Gape ditlhogo tseno di tla sekaseka ditsela tse di tlwaelegileng tse batho ba ganetsang bosupi jono ka tsone mme di tla bontsha lebaka le le utlwalang la go dumela gore go tla nna le botshelo jo bo botoka mo isagweng.

[Ntlha e e kwa tlase]