Jesu ‘o Tlosa Boleo Jwa Lefatshe’

Johane Mokolobetsi o ne a re Jesu ‘o tlosa boleo jwa lefatshe.’ (Johane 1:29) Mafoko ano a bontsha seabe se Jesu a nang le sone mo go bolokeng batho ba ba kutlo.

Mme ke ka ntlha yang fa Jesu a ne a tshwanelwa ke go swa gore a boloke baleofi?

O ne a fitlhelela eng ka go ntsha botshelo jwa gagwe ka go rata?

Ke bomang ba ba solegelwang molemo ke loso lwa gagwe?

Lo go ama jang?

Ngwaga le ngwaga, Basupi ba ga Jehofa ba phuthega mmogo go gopola loso lwa ga Jesu. Monongwaga, lo tla gopolwa ka Sontaga, April 17, fa letsatsi le sena go phirima.

Basupi ba ga Jehofa ba go laletsa ka lorato gore o tle go kopanela le bone fa ba sekaseka botlhokwa jwa loso lwa ga Jesu. Dipotso tse di fa godimo di tla arabiwa ka Baebele.

O ka ya kwa lefelong le le gaufi le kwa o nnang gone. Tsweetswee botsa Basupi ba ga Jehofa ba mo lefelong la lona gore ba tla kopana nako mang le gone kwa kae.