Letsatsi le le Tshwanetseng go Gopolwa

Mo bosigong jwa pele ga Jesu a swa, o ne a fetisetsa baaposetoloi ba gagwe senkgwe se se sa bedisiwang le senwelo sa beine mme a ba laela gore ba je ba bo ba nwe. O bile a ba bolelela jaana: “Nnang lo dire seno e le go nkgopola.”—Luke 22:19.

Monongwaga go gopolwa ga tiragalo eno go tla nna ka Labone ka April 1 fa letsatsi le sena go phirima. Basupi ba ga Jehofa go ralala lefatshe ba tla bo ba phuthegile mo bosigong jono jo bo kgethegileng go keteka Segopotso seno ka tsela e Jesu a ileng a laela ka yone. O lalediwa ka lorato gore o kopanele le rona. Tsweetswee botsa Basupi ba ga Jehofa ba lefelo la lona ka nako e e tshwanetseng le lefelo la pokano eno e e kgethegileng.