‘Bakang Leina la ga Jehofa’

Ka September 2, 1986, German Democratic Republic (Jeremane Botlhaba) e ne ya golola motseletsele wa ditempe tse di bontshang madi a tshipi a ditiragalo tsa Jeremane. Santlha mo motseletseleng oo se bontshitswe fa tlase. Madi a tshipi a a supilweng ke a 1633. Lefa o ntse jalo. se se kgatlhisang thata e ditlhaka tse nne tse di galalelang tsa Sshebera tse di bonwang di kwadilwe mo mading ao a tshipi. Di raya eng? Briefmarkenwelt, makasine wa Jeremane o o malebana le go kgobokanya le go ithuta ka ditempe, o neela tlhaloso eno: “Baengele ba babedi, ba ba fa godimo ga setshwantsho sa motse, ba tshwaraganetse leina Jehofa.”

Mo makgolong a dingwaga a bo-16 le 17, e ne e le tlwaelo go dira madi ao a tshipi kwa Yuropa. Encyclopedia ya Jeremane ya 1838 e akgela jaana: “Lefoko madi a Jehofa le akareletsa madi otlhe a tshipi le ditlotla tse di bontshang lefoko יהוה, Jehofa. jaaka le gaialela, le le nosi kana gammogo le lefoko Jesu, . . . gantsi le moano o o lebisitsweng go seo; ereka seno se ile sa bonwa lantlha mo Ditheilaseng [madi a tshipi a selefera a a neng a ntshiwa ke dinaga tsa Jeremane tse di farologaneng magareng a makgolo a dingwaga a bo15 le 19], di ile tsa sobokanngwa mmogo kafatlase ga leina Jehofa-talers.”

Go a bonala, bontsi jwa batho ba ba dirisang ditempe tseo ga ba itse gore ditlhaka tseo tsa Sehebera di emela leina la Modimo. Mme Basupi ba ga Jehofa ba itumelela go supa karolo eno mo ditempeng le go tlhalosa bokao le botlhokwa jwa leina la ga Jehofa. Ka gone, go tswa mo karolong e e sa solofelwang ba thusiwa go ‘baka leina la ga Yehofa.’​—Pesalema 135:1.