Lefoko la Modimo Tota le tla Diragala

Jehofa Modimo o reile Aberahame a re: “Me kaga Ishemaele, ke gu utlwile: bōna, ke mo segōhaditse, ke tla mo atisa, ke tla mo ntsihatsa mo go golo thata; o tla tsala dikgōsana di le shomè le mecō mebedi, me ke tla mo diha morahe o mogolo.” (Gen. 17:20) Ka nako eo Ishemaele morwa Aberahame o ne a le dingwaga di le 13. (Gen. 16:16; 17:1) Ga go ope yo o ka bong a boleletse-pele gore mosimanyana yo o ne a tla tsala dikgosana di le 12. Mme Mmopi yo o botlhale-tlhale o dirile jalo. Dibuka tse pedi tsa ditiragalo di tlhomamisa tshenolo eno ya bomodimo, di kwala dikgosana di le 12 tse di latelang: Nebaiothe, Kedara, Adebele, Mibasame, Mishema, Duma, Masa, Hadade, Tema, Jeture, Nafishe le Kedema. (Gen. 25:13-15; 1 Ditih. 1:29-31) Abo seno se tlhomamisa jang gore lefoko la Modimo la boperofeti lea diragala ruri!