PINA 36
A re Sireletseng Dipelo Tsa Rona
E e Gatisitsweng
1. Re tlhoka go sireletsa
Dipelo tsa rona
Gonne di ka re faposa
Mme ra leofela Jah.
Modimo o bona pelo
Gape o’itse tsotlhe.
Re tlhoka go mo’ikobela
Fa a re kaela.
2. Ka dipelo tse di phepa
Re rapela Mmopi.
Re mo leboga ka metlha,
Re’isa le dikopo.
Re boloka dilo tsotlhe
Tse Jah a di rutang.
Fa re nna re ikanyega,
Re tla kgatlha Mmopi.
3. A re lekeng ka bojotlhe
Go tlhoa bosula.
Re letle ’Foko la Mmopi,
Le re ame pelo.
Jah o rata basiami;
O’a ba sireletsa.
Rotlhe re tla mo’ikobela
Re nne ’tsala tsa ’gwe.
(Bona le Pes. 34:1; Baef. 4:8; 1 Pet. 3:4.)