Jehofa ke Botshabelo Jwa Rona

1. Jehofa botshabelo,

Re tshepile ene.

Moriti wa Modimo

O’a re sireletsa.

Gonne o tla re femela,

Fa re ikaega ka ene.

Jehofa kago’e thata,

Ka metlha o’a ikanyega.

2. Le fa ’kete di swela

Gaufi le rona,

O tla thusa basiami

Gore ba falole.

Ga re tlhoke go boifa

Masetlapelo a a tlang.

Re tla sireletsega

Mo ’phukeng tsa ga Jehofa.

3. Jehofa o’a re disa

Ka dinako tsotlhe,

Ga re tlhoke go tshaba,

Ba ba re tlhoileng.

Re ka se boife sepe

Gonne Jah o tla re thusa.

Jehofa botshabelo,

O re disitse ka metlha.