Matseno a Karolo 14

Bakeresete ba bogologolo ba ne ba rera dikgang tse di molemo tsa Bogosi kwa mafelong a a kgakala. Jesu o ne a ba bolelela gore ba rere kae a bo a ba thusa gore ba kgone go rerela batho ka dipuo tsa bone. Jehofa o ne a dira gore ba nne pelokgale le gore ba kgone go itshoka fa ba bogisiwa.

Jesu o ne a dira gore moaposetoloi Johane a bone Jehofa a le mo kgalalelong ya gagwe. Gape Johane o ne a bona Bogosi jo bo kwa legodimong bo fenya bogosi jwa ga Satane le botlhe ba ba mo tshegetsang. Johane o ne a bona Jesu le ba ba 144 000 ba busa e le dikgosi. Gape o ne a bona lefatshe le fetolwa paradaise e mo go yone batho botlhe ba obamelang Jehofa ka kagiso e bile ba utlwana.