E Nthusitse go Fenya Mokgwa o o Maswe

● Ngwaga o o fetileng go ne ga gololwa buka ya Dipotso Tse Basha ba di Botsang—Dikarabo Tse di Nang le Tharabololo, Bolumo I. Mo tsebe 180, e tlhalosa Diane 24:16, e e reng mosiami a ka wa ga supa mme o tla tsoga. Seno se ne sa thusa thata mosha mongwe yo o neng a re: “Setshwantsho se se mo tsebeng eo se mpontshitse gore Modimo o bona maiteko a me. . . . Buka eno e dirile gore ke lemoge gore nka kgona go dira gore dithapelo tsa me di nne maleba le go kopa Modimo gore a nthuse ka maikutlo a ke nang le one a go ikutlwa ke se na mosola. Ka jalo, ke tla kgona go mo rapela pele ke ineelela thaelo mme ka go dira jalo ke fenye mokgwa wa me o o maswe.

“Ke tshepa gore le fa ke ole makgetlo a feta 77 fa dingwaga di ntse di ya, ke tla fenya bothata jwa me. Ga ke tlhole ke ikutlwa ke le motho yo o leofileng go ba feta botlhe mo lefatsheng.”

O ka nna wa kopa go romelelwa khopi ya buka eno ka go tlatsa setlankana se se fa tlase fano mme o bo o se romela kwa atereseng e e tshwanetseng e e mo lenaaneng le le mo tsebe 5 ya makasine ono.

□ Kwantle ga go ipofa tsweetswee ke kopa gore lo nthomelele khopi ya buka e e bontshitsweng fano.

□ Tsweetswee ikgolaganyeng le nna malebana le thuto ya mahala ya legae ya Baebele.