“Ke Leboga Go bo Lo Mpontshitse Rre yo o Lorato”

● Mosetsana mongwe wa dingwaga di le 19 go tswa kwa borwa jwa United States o ne a kwala jaana: “Ke godisitswe mo lelapeng le le tsenang kereke mme ke itse Keresete e le Mmoloki wa me. Le fa go ntse jalo, ka dingwaga di le dintsi, ke ne ke tshela ke boifa katlholo ya bogale jwa Modimo ya dihele tse di tukang tse di tshosang. Mme ke ne ka simolola go bala buka ya Totatota Baebele e Ruta Eng?

“Morago ga go bala dikgaolo di le mmalwa fela, ke ne ka ikutlwa ke na le kagiso e kgolo. Ke ne ke ikutlwa e kete go tlogile tlou mo sehubeng sa me. Jaanong ke bona Jehofa e le Modimo yo o lorato, yo o pelonomi e bile a le pelotlhomogi. O batla go nna le kamano le nna mme e seng gore ke nne le kamano le ene ka gonne ke mmoifa ka tsela e e sa siamang. Ke ikaeletse go etela kwa Holong ya Bogosi ya Basupi ba ga Jehofa ka Sontaga ono! Ke itumetse thata. Ke leboga go bo lo mpontshitse Rre yo o lorato, e seng yo o dirileng molelo wa dihele.”

Buka ya Baebele e Ruta Eng? gape e sekaseka ditlhogo tse dingwe tsa botlhokwa. Ditlhogo tseno di akaretsa boemo jwa baswi, tsholofelo ya tsogo ya baswi, tsela ya go tokafatsa botshelo jwa lelapa, gore Modimo le Jesu Keresete ke bomang le lebaka la go bo Modimo a letlelela pogo. O ka kopa go romelelwa khopi ya buka eno ka go tlatsa setlankana se se fa tlase fano mme o bo o se romela kwa atereseng e e tshwanetseng mo lenaaneng le le mo tsebeng ya 5 ya makasine ono.

□ Kwantle ga go ipofa tsweetswee ke kopa gore lo nthomelele khopi ya buka e e bontshitsweng fano.

□ Tsweetswee ikgolaganyeng le nna malebana le thuto ya mahala ya legae ya Baebele.