“Ke Sone se Tota re Neng re se Tlhoka!”

Ke se mmè mongwe wa kwa Italy a ileng a se bolela fa a amogela buka ya Ithute mo Morutising yo Mogolo. O ne a re: “Ke ne ka palelwa ke go thiba dikeledi tsa me.” O ne a oketsa jaana malebana le morwadie yo mmotlana: “Ga a ise a kgone go bala mme ka ntlha ya ditshwantsho, o kgona go gakologelwa dintlha tsa konokono. O reetsa ka kelotlhoko ka gonne buka eno e kwadilwe jaaka e kete go tshwerwe puisano le mmadi, mme gantsi morwadiake o kopanela mo puisanong eo. Ke mpho e e molemo go gaisa e re kileng ra e amogela.”

Rre mongwe wa kwa Italy o ne a tlhalosa gore ene le mosadi wa gagwe ba ne ba ipotsa gore ba tla tlhalosetsa morwa wa bone yo mosha jang ka tlhakanelodikobo. Ba ne ba re: “Fa kgatiso e ntšha eno e gololwa, re ne ra lemoga gore Modimo o tlhaloganya matshwenyego a rona. Fa re sena go e tlhatlhoba, re ne ra bua kafa buka eno e ntšha e neng e tla kgothatsa morwaarona ka teng gore a akanye ka kelotlhoko le go kgona go baya mabaka.”

Mosha mongwe wa kwa Japane, yo o kileng a sotliwa ka tsa tlhakanelodikobo fa a ne a le ngwana, o ne a kwala jaana a bontsha kanaanelo ka buka eno: “Ke ne ka lela thata mme ke sa kgone go kgaotsa go leboga Jehofa. Buka eno e bua ka tlhamalalo le ka tsela e e tshwanetseng ka dilo tse bana ba ka lebanang le tsone mo motlheng ono o o boikepo. Dipotso tsa teng di kgothaletsa ngwana go tlhalosa maikutlo a gagwe. A bo kgaolo 32 e le thuso e e molemo jang ne ya go sireletsa bana mo bagolong ba ba boikepo! Fa nka bo ke na le sedirisiwa se se ntseng jalo se se buang ka tlhamalalo e bile se ruta dingwaga di le 20 tse di fetileng, botshelo jwa me bo ka bo bo farologane thata gone jaanong.”

O ka kopa go romelelwa buka eno ya ditsebe tse 256 e e nang le ditshwantsho tse dintle, e e lekanang le makasine ono. Tlatsa setlankana se se fa tlase fano o bo o se romela kwa atereseng e e supilweng fano kgotsa kwa atereseng e e tshwanetseng e e mo tsebeng ya 5 ya makasine ono.

□ Kwantle ga go ipofa, tsweetswee nthomeleleng buka e e supilweng fano.

Bontsha gore ke puo efe.

□ Tsweetswee ikgolaganyeng le nna malebana le thuto ya mahala ya legae ya Baebele.