Bosigo jo o Tshwanetseng go bo Gopola

SONTAGA, MARCH 23, 1997

MO BOSIGONG JWA pele ga a swa, Jesu Keresete o ile a simolola go keteka Segopotso sa loso lwa gagwe le baaposetoloi ba gagwe. Mo nakong eo ya go ja e mo go yone a neng a dirisa beine le senkgwe se se sa bedisiwang e le ditshwantshetso, Jesu o ne a ba laela jaana: “Dirang mo, lo nkgopole ka gone.”—Luke 22:19.

Ka lorato Basupi ba ga Jehofa ba go laletsa go tla go gopola Segopotso seno sa ngwaga le ngwaga le bone. Monongwaga se tla ketekwa fa letsatsi le sena go phirima ka Sontaga, March 23, e leng letlha le le tsamaisanang le Nisane 14 go ya ka khalentara ya Baebele ya modikologo wa ngwedi. Tsweetswee botsa Basupi ba ga Jehofa ba lefelo la lona nako le lefelo le ba tla kopanelang kwa go lone.