Ýehowa jany-teni bilen gulluk eden Manahen

I asyrda Antakyýadaky ýygnakda Manahen atly bir dogan bardy, ol dogan-uýalaryň ýürekden aladasyny edýärdi. Manahen Isanyň şägirdi bolmanka, «Jelile welaýatynyň häkimi Hirodes bilen» bir okuwda okap bilim alypdy (Res. 13:1). Manahen ýokary bilimli adamdy, at-abraýly maşgaladandy.

Ol dünýäniň yşkyna düşüp, at-abraýa we ýokary wezipä kowalaşmady. Hakykaty bilensoň bar zadyndan geçip, Isa pygamberiň şägirdi boldy we doganlara hyzmat etdi.

Manahen dünýäde şan-şöhrat gazanmagyň biderekdigine, Ýehowany razy edýän adamyň ebedi bereketlere eýe boljakdygyna düşünýärdi. Geliň, bizem ondan görelde alyp, Hudaýyň Patyşalygyny birinji orunda goýalyň (Mat. 6:33). Biz ýokary bilim alsagam, «iň wajyp zatlara düşünmeli». Hiç bir zat biziň Ýehowa edýän seždämizden öňe geçmeli däl (Flp. 1:9, 10).