SAPAK 4

Aýatlary okamazdan öň giriş sözlerini aýdyň

Matta 22:41—45

MAKSADY: Aýady okamazdan öň diňleýjileriň ünsüni çekiň.

Aýady näme üçin okaýandygyňyz hakda oýlanyň. Diňleýjiler giriş sözleriňizden aýatdaky haýsy pikiri nygtajak bolýandygyňyza düşünmeli.

Aýadyň kontekstine serediň. Aýatdaky sözleri kimiň aýdandygy ýa-da şol kitaby kimiň ýazandygy barada dogry maglumat beriň.
Hemişe Mukaddes Kitapdan öwrediň. Hudaýa ynanýan adamlar bilen gürrüňdeş bolanyňyzda Mukaddes Kitabyň Hudaýyň Sözüdigini aýdyň. Şeýdip, siz öz pikiriňizi aýtman, Hudaýyň pikirlerini öwredýändigiňizi görkezersiňiz.
Mukaddes Kitap bilen gyzyklandyryň. Sorag beriň we Mukaddes Kitapdan jogabyny tapyp bolýandygyny aýdyň ýa-da islendik bir kynçylyk hakda agzap, çözgüdini Mukaddes Kitapdan tapyp bolýandygyny düşündiriň. Ýa bolmasa, belli bir prinsip hakda gürrüň berip, Hudaýyň Sözündäki bir wakanyň oňa düşünmäge kömek edýändigini görkeziň.

Diňleýjileriň tema we okajak aýadyňyz barada näme bilýändigini göz öňünde tutuň. Aýat olara tanyş bolsa-da, giriş sözleriňiz diňleýjini gyzyklandyrmaly. Şeýle-de aýatdan täze zat öwrenmäge ýa-da ondaky jikme-jikliklere has gowy düşünmäge kömek etmeli.