ውግእን ዓመጻ ዝመልኦ ግጭትን እናሃለወ ኽነሱ ሰላም ምርካብ

ብኸመይ ሓጊዝዎም፦ “እዛ ፍቕዲ እዚኣ፡ የሆዋ መሓሪ ምዃኑ ኣረጋጊጻትለይ እያ። ቀደም ኣብ ውግእ ክሳተፍ ከለኹ ዝገበርክዎ ዅሉ ነገራት ኣምላኽ ይቕረ ኺብለለይ ፍቓደኛ ምዃኑ ፈሊጠ እየ።”—ዊልማር፡ ኮሎምብያ።

ብኸመይ ሓጊዝዎም፦ “ኣብ ውትህድርና ብዘሕለፍክዎ ሕማቕ ተዘክሮታት፡ ብጭንቀትን ብውጥረትን እሳቐ እየ። እንተዀነ ግና፡ እዛ ጥቕሲ እዚኣ፡ የሆዋ ነቲ ዚርብሸንን ዜባህርረንን ነገራት ከም ዜወግዶ ተዘኻኽረኒ እያ። እዚ ኣብ ልበይን ኣእምሮይን ቦታ ኣይኪህልዎን እዩ። እዚ ኸኣ፡ ባህ ዜብል እዩ!”—ዛፊራ፡ ሕቡራት መንግስትታት ኣመሪካ።

ብኸመይ ሓጊዝዎም፦ “ነዘን ቃላት እዚአን ኵሉ ግዜ እየ ዝሓስበለን። ኣብ ቀረባ ግዜ ሳዕቤናት ውግእ ስለ ዚጠፍእ፡ ብዛዕባ ድሕንነት ሰበይ ክጭነቕ ኣይከድልየንን እዩ።”—ኦለክሳንድራ፡ ዩክረይን።

ብኸመይ ሓጊዝዎም፦ “ዳርጋ ዅሎም ኣባላት ስድራ ቤተይ ኣብ ጃምላዊ ቕትለት ቱትሲ ጸኒቶም እዮም። እንተዀነ ግና፡ እዛ ጥቕሲ መሊሰ ኸም ዚረኽቦም ተረጋግጸለይ እያ። ምዉታት ምስ ተንስኡ፡ ሓጐሶም ክርኢ እህንጠ እየ።”—ማሪ፡ ሩዋንዳ።

ብኸመይ ሓጊዝዎም፦ “ዋላ እኳ ውግእ ደው እንተ በለ፡ ግፍዕን እኩያት ሰባትን ግና ኣለዉ። ብፍላይ እዘን ፍቕድታት እዚአን፡ የበርትዓኒ እየን። የሆዋ ንዅሉ ዅነታትይ ይርእዮን ይርድኦን እዩ። ኣብ ቀረባ ግዜ ኸኣ፡ እዚ ዅሉ ኸም ዚውገድን ከም ዚርሳዕን ቃል ኣትዩ እዩ።”—ዳለር፡ ታጂክስታን።