ዜስካሕክሕ ሳዕቤናት ውግእ

“ኣዝዩ ሓደገኛ ፍጻመታት፡ ማለት ህይወት ዚቕይር መጕዳእቲ ወይ ሞት ኬጋጥም ትርኢ ኢኻ። ፈጺሙ ውሕስነት ኣይስምዓካን እዩ።”—ጌሪ፡ ብሪጣንያ።

“ኣብ ሕቘይን ገጸይን ብጥይት ተወቒዐ፣ ብዙሓት እተቐትሉ፡ እንተላይ ቈልዑን ብዕድመ ዝደፍኡን ርእየ እየ። ውግእ ስምዒት ኣልቦ እዩ ዚገብረካ።”—ዊልማር፡ ኮሎምብያ።

“ኣብ ቅድሜኻ ሰብ ብጥይት ኪውቓዕ ምስ እትርኢ፡ እቲ ምስሊ ፈጺሙ ኻብ ኣእምሮኻ ኣይጠፍእን እዩ። ኣውያቱ፡ ብኽያቱ፡ ኰታስ ኵሉ ነገሩ ኽትርስዖ ኣይትኽእልን ኢኻ።”—ዛፊራ፡ ሕቡራት መንግስትታት ኣመሪካ።

“ድሕሪ እዚ ፈጺመ ኽሕጐስ ከም ዘይክእል እዩ ተሰሚዑኒ ነይሩ። ብዛዕባ ህይወትካ ትፈርህ ኢኻ፡ ልዕሊኡ ግና፡ ብዛዕባ ህይወት ስድራ ቤትካን ፈተውትኻን ኣዚኻ ኢኻ እትሰግእ።”—ኦለክሳንድራ፡ ዩክረይን።

“ካብ ሰዓት 2:00 ናይ ለይቲ ኽሳዕ ሰዓት 11:00 ድ.ቐ. ምግቢ ንምርካብ ሪጋ ኽትሕዝ ከለኻ ብራርያ ጥይት ከይወቕዓካ ስለ እትሰግእ ትፈርህ ኢኻ።”—ዳለር፡ ታጂክስታን።

“ብምኽንያት ውግእ ዘኽታም ኰይነ እየ። ስለዚ፡ ዚሓልየለይን ዜጸናንዓንን ኣይነበረን።”—ማሪ፡ ሩዋንዳ።