6-12 ግንቦት

• መዝ 36:6—እቲ ዘማሪ፡ ጽድቂ የሆዋ፡ “ግርማ ኸም ዘለዎ ኣኽራን” [ወይ “ከም ኣኽራን ኣምላኽ” እ.ጽ.] ምዃኑ ኺዛረብ ከሎ፡ እንታይ ማለቱ ኪኸውን ይኽእል፧ (it-2 445)

  መልስኻ

• ኣብዚ ሰሙን እዚ ኻብ ዘንበብካዮ ንባብ መጽሓፍ ቅዱስ እንታይ መንፈሳዊ ሃብቲ ረኺብካ፧

  መልስኻ

ኣብ መላእ ዓለም ዘለዉ ኣሕዋትን ኣሓትን ብምኽንያት ባህርያውን ሰብ ዚሰርሖን ሓደጋ፡ ሰቦምን ጥሪቶምን ይስእኑ እዮም። (መዝ 9:9, 10) እቲ ዜሕዝን ድማ፡ “ግዜ ጭንቂ” ኣብ ዝዀነ እዋን ኬጋጥም ይኽእል እዩ፣ ስለዚ፡ ንኸምዚ ዓይነት ፈተና ኽንዳሎ የድልየና እዩ።

ብኣካላዊ መዳይ ምድላውa ጥራይ ዘይኰነስ፡ ሓደጋ ምስ ዜጋጥም ምእንቲ ኽንዋጽኣሉ እንታይ ካልእ ነገራት ኪሕግዘና ይኽእል፧

• ብኣእምሮኻ ተዳሎ፦ ሓደጋ ኸም ዜጋጥም ፍሉጥ እዩ፡ እንተ ኣጋጢሙ እንታይ ክትገብር ከም እትኽእል ሕሰብ። ኣብ ስጋዊ ጥሪትካ እምብዛ ኣይተተኵር። ከምኡ ምግባርካ፡ ጥበባዊ ስጕምቲ ኽትወስድ፡ ኣብ ክንዲ ስጋዊ ጥሪትካ ህይወትካን ህይወት ካልኦትን ከተድሕን ኪሕግዘካ እዩ። (ዘፍ 19:16፣ መዝ 36:9) ብዘይካዚ፡ ሓደጋ ድሕሪ ምግጣሙ፡ ኣብ ክውንነት እተመስረተ ትጽቢት ኪህልወካን ስጋዊ ጥሪትካ ብምጥፋኡ ንዚመጽእ ጓሂ ኽትንክን ኪሕግዘካ እዩ።—መዝ 37:19

• ብመንፈሳዊ መዳይ ተዳሎ፦ የሆዋ ኺከናኸነካ ኽእለትን ድሌትን ከም ዘለዎ፡ ንዘሎካ ምትእምማን ኣደልድሎ። (መዝ 37:18) ሓደጋ ቕድሚ ምግጣሙ፡ ዋላ እውን ‘ንህይወትና ኸም ምርኮ’ ጥራይ ከነድሕና እንተ ኸኣልና፡ የሆዋ ንዓና ንኣገልገልቱ፡ ከም ዚመርሓናን ከም ዚድግፈናን ንገዛእ ርእስኻ ብቐጻሊ ኣዘኻኽራ።—ኤር 45:5፣ መዝ 37:23, 24

የሆዋ ተስፋታቱ ኸም ዚፍጽም ንተኣማመን እንተ ዄንና፡ ‘ብግዜ ጭንቂ ዕርድና’ ኽንገብሮ ኢና።—መዝ 37:39።

ነታ ንሓደጋ ተዳሊኻ ዲኻ፧ ዘርእስታ ቪድዮ ወልዓያ። ድሕሪኡ፡ ንሰማዕቲ ነዘን ዚስዕባ ሕቶታት ሕተቶም፦

• የሆዋ ኣብ ግዜ ጭንቂ ኺሕግዘና ዚኽእል ብኸመይ እዩ፧

  መልስኻ

• ንሓደጋ ምእንቲ ኽንዳሎ እንታይ ግብራዊ ስጕምትታት ክንወስድ ንኽእል፧

  መልስኻ

• ነቶም ብሓደጋ እተጐድኡ ብኸመይ ክንሕግዞም ንኽእል፧

  መልስኻ