‘ኣብ ስጋኻ እሾዅ’ እናሃለወካ ኽነሱ፡ ክትዕወት ትኽእል ኢኻ!

ኣብዘን ጽንኩራት ዳሕሮት መዓልትታት፡ ከም እሾዅ ዝኣመሰለ ጸገማት ንዅሎም ህዝቢ ኣምላኽ የጋጥሞም እዩ። (2ጢሞ 3:1) ኣብ የሆዋ ኽንውከልን ነዚ ጸገማት እዚ ብዓወት ክንዋጽኣሉን እንኽእል ብኸመይ ኢና፧ ነታ “ኣዒንቲ ዕዉራት ኪኽፈታ . . . እየን” ዘርእስታ ቪድዮ ርኣያ እሞ፡ ታሊታ ኣልናሺን ወለዳን እንታይ ከም ዝገበሩ ርአ፣ ድሕሪኡ ነዚ ዚስዕብ ሕቶታት መልሶ፦

• ንታሊታ ‘ኣብ ስጋኣ እተዋህባ እሾዅ’ እንታይ እዩ፧

• ታሊታን ወለዳን ኣወንታዊ ኣረኣእያ ሒዞም ኪቕጽሉ ዝሓገዞም እንታይ ኣብ መጽሓፍ ቅዱስ ዚርከብ ተስፋታት እዩ፧

• ታሊታ መጥባሕቲ ድሕሪ ምግባራ ነዊሕ ከይጸንሐ፡ ወለዳ ኣብ የሆዋ ኸም ዚውከሉ ዘርኣዩ ብኸመይ እዮም፧

• ታሊታ ንኣምላኽ ምእንቲ ኸተፍቅሮ፡ ወለዳ ነቲ ውድብና እተቕርቦ ነገራት ጽቡቕ ገይሮም ዚጥቀሙሉ ብኸመይ እዮም፧

• ታሊታ ‘ኣብ ስጋኣ እተዋህባ እሾዅ’ እናሃለወ ኽነሱ፡ ብመንፈሳዊ መዳይ ዕቤት ትገብር ከም ዘላ ዘርኣየት ብኸመይ እያ፧

• ኣብነት ታሊታ ዜተባብዓካ ብኸመይ እዩ፧