ድግማ ቤት ትምህርቲ ቲኦክራስያዊ ኣገልግሎት

እቲ ሚካል ንዳዊት እተዛረበትሉ መገዲ ቕኑዕ ዘይነበረ ስለምንታይ እዩ፧ ሰብ ሓዳርከ ኻብዚ ጸብጻብ እንታይ ኪመሃሩ ይኽእሉ፧ (2 ሳሙ. 6:20-23) [11 ግን.፡ w11 1/8 ገጽ 12 ሕ.ጽ. 1]

ነብዪ ናታን፡ ነቲ ዳዊት ቤተ መቕደስ የሆዋ ኺሰርሕ ዘቕረቦ ሓሳብ ብምድጋፉን ብምትብባዑን የሆዋ መኣረምታ ምስ ሃቦ፡ ብኸመይ ምላሽ ሃበ፧ (2 ሳሙ. 7:2, 3) [11 ግን.፡ w12 15/2 ገጽ 24 ሕ.ጽ. 6-7]

ናታን ንዳዊት፡ ከቢድ ሓጢኣት ከም ዝፈጸመ ብቐጥታ ኣብ ክንዲ ዚነግሮ፡ ነቲ ኣብ 2 ሳሙኤል 12:1-7 ተመዝጊቡ ዚርከብ ምሳሌ እተጠቕመ ስለምንታይ እዩ፧ እዚ ጸብጻብ እዚ፡ ዝሓሽና መምህራን ንኽንከውን ዚሕግዘና ብኸመይ እዩ፧ [18 ግን.፡ w12 15/2 ገጽ 24 ሕ.ጽ. 2-3]

ኣቤሴሎም ንእስራኤላውያን ኬታልሎም ዝኸኣለ ብኸመይ እዩ፧ ንገዛእ ርእስና ኻብ ዘመናውያን “ኣቤሴሎም” ከነዕቍባ እንኽእልከ ብኸመይ ኢና፧ (2 ሳሙ. 15:6) [25 ግን.፡ w12 15/7 ገጽ 13 ሕ.ጽ. 7]

የሆዋ ኣብቲ ኣዝዩ ጽንኩር ግዜ ንዳዊት ዜድልዮ ነገር ዘማልኣሉ ብኸመይ እዩ፧ ካብዚኸ እንታይ ክንመሃር ንኽእል፧ (2 ሳሙ. 17:27-29) [1 ሰነ፡ w08 15/9 ገጽ 6 ሕ.ጽ. 15-16]

ካብ ኣብነት እቲ ዳዊት ምስ ሓደ ኢታይ ዝስሙ ወሰንተኛ ዝነበሮ ርክብ እንታይ ክንመሃር ንኽእል፧ (2 ሳሙ. 18:2) [1 ሰነ፡ w09 15/5 ገጽ 27 ሕ.ጽ. 7]

እቶም ብዕድመ ዝደፍኡ ኣባላት ጉባኤ ኻብ ኣብነት ባርዚላይ ኪጥቀሙ ዚኽእሉ ብኸመይ እዮም፧ (2 ሳሙ. 19:33-35) [8 ሰነ፡ w07 15/7 ገጽ 15 ሕ.ጽ. 1-2]

እተን ዳዊት ብዛዕባ ተኣማንነት እተዛረበን ቃላት ነቶም ኣብዚ ግዜ እዚ ዘለዉ ኣገልገልቲ የሆዋ ዜጸናንዓኦም ብኸመይ እየን፧ (2 ሳሙ. 22:26 ትርጉም 1990) [15 ሰነ፡ w10 1/6 ገጽ 26 ሕ.ጽ. 6-7]

ናታን ንኣምላኽ ዝነበሮ ተኣማንነት ዘርኣየ ብኸመይ እዩ፧ ንሕናኸ ነዛ ባህርይ ብኸመይ ክንቀድሓ ንኽእል፧ (1 ነገ. 1:11-14) [22 ሰነ፡ w12 15/2 ገጽ 25 ሕ.ጽ. 1, 4-5]

ከምቲ ሰሎሞን ገይርዎ ኪኸውን ዚኽእል፡ ሓደ ኣገልጋሊ ኣምላኽ ኣበየናይ መዳይ ህይወት እዩ ዕባራ ምኽንያት ብምጥቃም ኣብ ትእዛዛት ኣምላኽ ቀዳዳት ከናዲ ዚኽእል፧ (1 ነገ. 3:1) [29 ሰነ፡ w11 15/12 ገጽ 10 ሕ.ጽ. 12-14]