ቲኦክራሲያዊ ዜና

◼ እተን ናይ ምዕራብ ኣፍሪቃ ሃገራት ዝዀና በኒን: ካሜሩን: ኮት ዴቭዋር: ጋና: ላይቤርያ: ከምኡውን ናይጀርያ ኣብ ለካቲት ሓድሽ ዝለዓለ ቍጽሪ ኣስፋሕቲ በጺሐን ኢየን።

◼ ብዙሓት ስደተኛታት ናብ ላይቤርያ ይምለሱ ስለ ዘለዉ ኣብዛ ሃገር እዚኣ ንሓቂ ግሁድ ጥሜት ይርአ ኣሎ። እቶም ኣብ ለካቲት ዝነበሩ 2,286 ዝለዓለ ቍጽሪ ኣስፋሕቲ: 6,277 ናይ ቤት ጽንዓታት መጽሓፍ ቅዱስ ጸብጻብ ሃቡ።

◼ ካብ ደቡባዊ ፓስፊክ ድማ ፊጂን ደሴታት ሰሎሞንን ታሂቲን ኣብ ለካቲት ሓድሽ ዝለዓለ ቍጽሪ ኣስፋሕቲ ኣመዝገባ።

◼ እታ ደሴት ዝዀነት ማዳጋስካር ካብቲ ናይ ዝሓለፈ ዓመት ገምጋም 14 ካብ ሚእቲ ወሰኽ ብምግባር ሓድሽ ዝለዓለ ቍጽሪ ኣስፋሕቲ: 9,484 በጽሐት። ኣብ ለካቲት ከኣ ልዕሊ 20,000 ናይ ቤት ጽንዓታት መጽሓፍ ቅዱስ ኣመዝገቡ።