ትሕዝቶ

እዛ ዓንቀጽ እዚኣ፡ ጸገማት ኬጋጥመና ኸሎ፡ ብመሰረት ጥቕሲ ዓመት 2017፡ ሓገዝ ንምርካብ ናብ የሆዋ ኽንጽጋዕ ከም ዘሎና ትገልጽ። ጥንቲ ዝነበሩ እሙናት ዝሓደግዎ ኣብነት ብምምርማር ድማ፡ ጸገማት ንምፍታሕን ንሰባት ንምሕጋዝን፡ ከመይ ጌርና ብየሆዋ ኽንእመን ከም እንኽእል ክንርኢ ኢና።

ኣብዛ ዓንቀጽ እዚኣ፡ ነቲ ኣምላኽ ዝሃበና ናይ ምምራጽ ናጽነት፡ ነቲ ወሃቢ ብዜሐጕስ መገዲ ብኸመይ ክንጥቀመሉ ኸም እንኽእል ክንምሃር ኢና። ንውሳነታት ካልኦት ብኸመይ ከነኽብር ከም እንኽእል እውን ክንርኢ ኢና።

እዘን ዓንቀጻት እዚአን ብዛዕባ እታ ተባሃጊት ባህርይ ዝዀነት ትሕትና ዘሎና ግንዛበ ኸነስፍሕ ይሕግዛና። እታ ቐዳመይቲ ዓንቀጽ፡ ትሕትና እንታይ ምዃናን እንታይ ዘይምዃናን ትገልጽ። እታ ኻልአይቲ ዓንቀጽ ከኣ፡ ኣብ ትሕቲ ፈተና እኳ ኸመይ ጌርና ብትሕትና ኸም እንመላለስ ትገልጽ።

ወለዶ ብወለዶ ኺትካእ ከሎ፡ ብዕድመ ዝነኣሱ ንዕዮ እቶም ብዕድመ ዝዓበዩ ይርከብዎ እዮም። እዛ ዓንቀጽ እዚኣ፡ ነዚ ናይ ምስግጋር መስርሕ ከመይ ጌርካ ብጽቡቕ ከም ዚዕየ ትገልጽ።