ሕታም መጽናዕቲ

ንኣሽሓት ዓመታት፡ የሆዋ ንኣገልገልቱ ብእተፈላለየ ቛንቋታት ሓሳቡ ኣመሓላሊፉሎም እዩ። እዛ ዓንቀጽ እዚኣ፡ እተፈላለየ ቛንቋታት ምጥቃሙ፡ ነቲ ንሰብ ሓሳቡ ንምምሕልላፍ ዝገበሮ ጻዕሪ ኸም ዘይዓገቶ ትገልጽ። ትርጉም ሓዳስ ዓለም፡ እንተላይ እቲ ብ2013 እተኸለሰ ሕታም፡ ንስም ኣምላኽ ኣብ ምቕዳስን ፍቓዱ ኸም ዚፍለጥ ኣብ ምግባርን ሓያል ንዋት ከም ዝዀነ እውን ክንርኢ ኢና።

ናይ ምዝራብ ክእለት ዜደንቕ ውህበት ኣምላኽ እዩ። እዛ ዓንቀጽ እዚኣ፡ ሰለስተ መዳይ ዘረባ ትገልጽ። በዚ ሓያል ውህበት እዚ ተጠቒምና፡ ንኣምላኽ ኣብ ምኽባርን ንኻልኦት ኣብ ምጥቃምን ኣብነት የሱስ ክንስዕብ እውን ተተባብዓና።

ኵላትና ንሓምም ኢና፣ እሞ ደኣ የሆዋ ኸምቲ ኣብ መጽሓፍ ቅዱስ ንእተጠቕሱ ገሊኦም ዘሕወዮም ገይሩ ኼሕውየና ትጽቢት ክንገብርሲ ግቡእ ድዩ፧ ካልኦት ንጥዕናና ብዚምልከት ሓሳብ ኪህቡና ኸለዉ፡ እንታይ ኢና ኽንዝክር ዘሎና፧ እዛ ዓንቀጽ እዚኣ፡ ነዚ ሕቶታት እዚ መልሲ ኽንረኽበሉን ብሕታዊ ምርጫና ኽንገብርን ክትሕግዘና እያ።