ሕታም መጽናዕቲ

ኣብታ ቐዳመይቲ ዓንቀጽ፡ ከመይ ጌርና ኢድ ኣምላኽ ኣብ ህይወትና ኸም እነስተውዕልን እቶም ከምኡ ዘይገበሩ ሰባት ካብ ዝገበርዎ ጌጋ ኸመይ ጌርና ኸም እንስተርን ክንምሃር ኢና። እታ ኻልአይቲ ዓንቀጽ ድማ፡ እምነት ንድሕነትና ዘለዋ ኣገዳስነትን ከመይ ጌርና እምነትና ኸነደልድልን ብግብሪ ኸነርእያን ከም እንኽእል ትገልጽ።—እብ 11:6።

ዜስግል ነገራት ኣብ ዝበዝሖ ዘመን ኢና እንነብር ዘለና። ብዘየድሊ ነገራት ምእንቲ ኸይነስግል፡ ኣብ መንፈሳዊ መዳይ ህይወትና ድማ ምእንቲ ኸነተኵር፡ እንታይ ክንገብር ንኽእል፧ ቃል ኣምላኽ ከነንብብ ከለናኸ፡ ከመይ ጌርና ንመጽናዕትና ፍረ ኸም ዚህልዎ ኽንገብር ንኽእል፧ እዘን ዓንቀጻት እዚአን፡ ነዚ ኺገልጻልና እየን።