ሕታም መጽናዕቲ

ኣብታ ቐዳመይቲ ዓንቀጽ፡ የሆዋ ንህዝቡ በቲ በብቝሩብ እናነጸረን እናቐለለን ዚኸይድ ትምህርቲ ብኸመይ ይመርሖም ከም ዘሎ ኽንምርምር ኢና። ኣብታ ኻልአይቲ ኸኣ፡ ነቲ የሱስ ብዛዕባ እተን ዓሰርተ ደናግል ዝሃቦ ምሳሌ ኽንምርምሮ፡ ሎሚ እቲ ምሳሌ እቲ ብኸመይ ብመንፈሳዊ መዳይ ንኽንነቅሕ ኪሕግዘና ኸም ዚኽእል ድማ ክንርኢ ኢና።

የሱስ ብዛዕባ ኣብዚ ዚህልወሉ እዋን ምልክት ኪህብ ከሎ፡ ክልተ ምሳሌ ኸም ዘዘንተወ ኽንምርምር ኢና። እታ ቐዳመይቲ ምሳሌ፡ ብዛዕባ እቶም ታለንት እተዋህቦም ባሮት እትገልጽ ክትከውን ከላ፡ እታ ኻልአይቲ ድማ፡ ኣህዛብ ከም ኣባጊዕን ኣጣልን ኪፈላለዩ ምዃኖም እትገልጽ እያ። የሱስ ነዘን ምሳሌታት እዚአን ዘዘንተወ ስለምንታይ ምዃኑን ንዓና እውን ብኸመይ ከም ዚምልከታናን ንርአ።