ሕታም መጽናዕቲ

ብዛዕባ እቲ ዝረኸብናዮ በረኸት ብምስትንታን፡ ንየሆዋ ድማ ስለቲ በረኸት ብምውዳስ፡ ሞሳ ኸነጥርን ክንዕቅቦን ንኽእል ኢና። ዜመስግን ልቢ እንተ ኣልዩና፡ ዘይነማሱ ንኸይንኸውንን ንፈተናታት ንኽንዋጽኣሉን ኪሕግዘና ይኽእል እዩ። ጥቕሲ ዓመት 2015፡ ምሉእ ዓመት ብዛዕባ እዚ ኸተዘኻኽረና እያ።

እዛ ዓንቀጽ እዚኣ፡ ንሞት የሱስ ክንዝክሮ ዘሎና ስለምንታይ ምዃኑ ኸተነጽረልና እያ። እቲ ኣብ በዓል ዝኽሪ ዚቐርብ ቅጫን ወይንን ንምንታይ ከም ዜመልክትን ሓደ ሰብ ካብኡ ኺወስድ ዚኽእል እንተ ዀይኑ ብኸመይ ኪፈልጥ ከም ዚኽእልን ክትገልጽ እያ። ብዘይካዚ፡ እታ ዓንቀጽ፡ ብውልቅና ብኸመይ ንድራር ጐይታ ኽንዳሎ ኸም እንኽእል ክትሕብረና እያ።

ሰብ ሓዳር ምስቲ እናወሰኸ ዚኸይድ ዘሎ ጸቕጥን ፈተናታትን ይቃለሱ እዮም ዘለዉ። ኰይኑ ግና፡ ብሓገዝ የሆዋ፡ ድልዱልን ሕጉስን ሓዳር ኪህልዎም ይኽእል እዩ። እታ ናይ መጀመርታ ዓንቀጽ፡ ድልዱልን ነባርን ሓዳር ንምምስራት ኪሕግዝ ብዛዕባ ዚኽእል ሓሙሽተ ምሳልያዊ ሕጡብን ንዕኡ ብሓባር ከም ዚጣበቕ ብዛዕባ ዚገብሮ ነገርን ትገልጽ። እታ ኻልአይቲ ዓንቀጽ ድማ፡ ሰብ ሓዳር ብኸመይ ንመንፈሳዊ መትከሎም ብምሕላው ንሓዳሮም ኬደልድልዎ ኸም ዚኽእሉ ኽትምርምር እያ።

ኣብ መንጎ ሰብኣይን ሰበይትን ዘላ ፍቕሪ እንታይ ዓይነት እያ፧ ዘይተቋርጽ ፍቕሪ ክትህሉ ትኽእልዶ፧ እታ ፍቕሪ ብኸመይ እያ እትግለጽ፧ መሃልየ መሃልይ ብዛዕባ እታ ዘይተቋርጽ ፍቕሪ እንታይ ከም እትምህረና ፍለጥ።